Antzerkia

Apirilean berriz itzuliko da Euskal Herrira Ylenia Baglietto, "Mamma Mia" musikalarekin, Donostian ikuskizuna egingo baitute. Ia egunero egiten dituzte emanaldiak, eta nekeza da. Baina oinarri sendoa izan du, txikitan gimnasia erritmikoa egin zuen eta disziplina ondo barneratu zuen.

Ainhoa Etxebarriak eta Ugaitz Alegriak 'Tongola' antzezlana aurkeztuko dute Euskalduna Jauregian abuztuaren 19tik aurrera. Euskaraz egindako antzezlana izango da eta ikusleek ere parte hartuko dute antzezlanean.

Kamikaz kolektiboak antzezlan berria martxan jarri du: "Kaka". Xanti Agirrezabalak eta Erika Olaizolak istorioaren nondik norakoak azaldu dituzte, eta kaka ardatz duen antzezlana ikustera gonbidatu gaituzte.

'Badakizu plastikozko loreak ez direla inoiz bizi izan, ezta?' antzezlana aurkeztu du Telmo Irureta aktoreak "Uda-Pasa" saioan. Mireia Gabilondok sortutako komedia tragikoa da, eta Gabilondo bera, Telmo Irureta eta Aitziber Garmendia ditu protagonista.

'Nortasun agiria' bere hirugarren bakarrizketaz aritu zaigu Zuhaitz Gurrutxaga. Bikote haustura bat eta egoera horrek eragindako mina kontatzen du, besteak beste, egiazko bizipen pertsonaletan oinarritutako lanak. Egoera dramatikoetatik komedia ateratzen du.

Max arte eszenikoen Espainiako sariak banatuko dituzte, gaur, Iruñeko Gayarre antzokian. Euskal arte eszenikoen ordezkariek sei izendapen irabazteko bidean egongo dira bertan.

Casilda Iturrizar parkea, Arriaga plaza, Areatza eta EHUren Bizkaia Aretoa izango dira kaleko antzerki eta arteen doako jaialdiaren agertokiak aurten.

'Alperrak, tunanteak eta maleanteak' antzezlana aurkeztu digute Ane Zabala, Galder Perez eta Aitor García de Vicuña Gilkitxaro konpainiako kideek. Hiru inurri protagonistak konturatuko dira gizakien mundua ez dela paradisua. Gizarte produktibistaren kritika egiten dute, umoretik.

Madrilen 800.000 pertsona baino gehiago liluratu ondoren, musikala Arriagara itzuliko da abuztuaren 14tik irailaren 21era.

Iñaki Cid Donostiako antzerkigile, aktore eta AmaHiru konpainiako kideak "Igogailu batean amaitu zen mundua" antzezlan berria aurkeztu digu. Zertan datza? Nolakoak dira protagonistak?

Renata antzezlana aurkeztu dute Erika Olaizola eta Iraia Elias Kamikaz kolektiboko kideek "Linbo" saioan. Hil eta berpizteko dohaina dauka komediaren protagonistak, distopia bat da, eta 4 aktoreren artean 35 pertsonaia egiten dituzte, gizarte oso bat. Sarrerak oparitu dituzte.

Amets Arzallusen liburuan oinarritutako antzezlana Londresko Jermyn Street Antzokian estreinatu da aste honetan, Timberlake Wertenbaker antzerkigilearen eskutik, eta ekainaren 21a arte izango da ikusgai.

Sambou Diaby 'Miñan' antzezlanarekin herriz herri dabil Ibrahima Balderen istorioa oholtzara eramaten. Pantaila handian ere agertuko da apirilaren 25etik aurrera 'Faisaien irla' pelikulan.

Jokin Oregiren zuzendaritzapean ikasleek mendian girotutako antzezlan hau, gradu amaierako lana, antzeztuko dute apirilaren 9an eta 10ean, Azkuna Zentroan.

Natalia Menendezek zuzendu du muntaketa, eta Mikel Losada, Ione Irazabal, Arnatz Puertas eta Miren Gaztañaga dira aktoreak. Martxoaren 21etik 23ra oholtzaratuko dute euskaraz, eta apirilaren 3tik aurrera gaztelaniaz.

Formol Laborategiak eta Susa Argitaletxeak 'Heriotzak Eduardo du izena' ikuskizuna aurkeztu dute. Edurne Azkarate, Mikel Ibarguren eta Intza Alkain dira antzezleak eta bunker batean poemez inguratua aurkituko dira hauek.

Pili Litago eta Amaia Arocena Debako Goaz Antzerki Taldeko kide dira. Taldeak 50 urte bete ditu aurten eta herriko jendeak eta artistek egiten dute ekarpena bertan. Orain, inprobisazioan oinarritzen dira lanak sortzeko.

Loli Astoreka eta Patxo Telleriak urtarrilean estreinatu zuten 'Adiorik ez' antzezlana, Arriagan. Heriotza eta zaintza dira antzezlanaren ardatza, Donejakue bidea elkarrekin egitea erabakitzen duen aita-alaben istorioa kontatzen du.

Ia hiru hamarkadatan, 40 antzezlan oholtzaratu ditu Vaiven konpainiak, eta Donostia Antzerki Saria irabazi zuen 2002an eta 2018an. Gaur egun, egoera ekonomikoak itota, beste aukerarik ez dutela esan digute sortzaileek.

Dejabu konpainiak "Itzulera" antzerki berria aurkeztu du. Lagun talde batek Mexikora egiten duen bidaia da lanaren ardatza. Errealitatea eta fikzioaren mugarekin jolasten dute lanean, eta antzezleek bere buruarena egiten dute.

Kamikas kolektiboak 'Renata' komedia aurkeztu du. Durangon egin zuten estreinaldia, antzerkiaren nondik norakoak azaldu dizkigute. Distopia batean kokatuta dago antzezlana, eta, Renatak, protagonistak, mundua salbatu behar du.

Imanol Ubedak, Oier Guillanek eta Ainhoa Alberdik 'Aztia' lana aurkeztu dute. Coach emozionala da protagonista, tonu umoretsu eta ironikoan besteak laguntzen saiatzen den pertsona. Disko baterako pentsatutako letrak eramango dituzte plazara.

Webgunea otsailaren 13an jarriko da abian, eta 5.000 dokumentu digital bilduko ditu. Udan, "La maleta de Alex" proiektu zinematografikoa filmatzen hasiko dira, EITBren parte-hartzearekin.

Jon Plazaolak eta Aitziber Garmendiak antzezlan berria aurkeztu dute: 'Arizona'.  Mugei buruz hitz egiten duen umorezko antzezlana da. Margaret eta George gorpuzten dituzte, inor pasa ez dadin Mexikoko muga zaintzen ibiliko diren pertsonaiak.

Maria Goiricelayak idatzi eta zuzendu du zainketa aringarriak eta "ongi hiltzea" ardatz dituen obra euskaraz eta gaztelaniaz taularatuko dute, estreinakoz Arriaga Bilboko antzokian. Ane Pikaza, Aitor Borobia, Loli Astoreka, Patxo Telleria, Egoitz Sanchez eta Idoia Merodio dira aktoreak.

Maria Goiricelayak idatzi eta zuzendutako zainketa aringarriak eta "ongi hiltzea" ardatz dituen obra euskaraz eta gaztelaniaz taularatuko dute, estreinakoz Arriaga Bilboko antzokian. Ane Pikaza, Aitor Borobia, Loli Astoreka, Patxo Telleria, Egoitz Sanchez eta Idoia Merodio dira aktoreak.

Don Inorrezek diskoa konposatu du, Oier Guillanen bakarrizketa batetik abiatuta. Orain, kontzertu dramatizatuak egingo dituzte Imanol Ubeda, Fernando Neira eta Karlos Arancegui musikariek, Oier Guillan aktoreak eta Ainhoa Alberdi aktore eta dantzariak, Idoia Beratarbideren zuzendaritzapean.