Urkullu: 'Opor fiskalen isuna barrenik gabeko EBtik dator'

Europar Batasuneko Justizia Auzitegiak "opor fiskalengatik" ezarritako isuna "gehiegizkotzat" jo du Iñigo Urkulluk, eta EBri "barrenik gabe" jokatzea leporatu dio, laguntza haiek krisi eta indarkeria terroristaren egoera eman zirelako, gaineratu du.

Urkullu 30 milioi euroko isunaz aritu da, legez kanpoko laguntza fiskalak behar zen denboran ez berreskuratzeagatik ezarrita.

"Honetarako ere bai, barrenik gabe Europa baten gehiegizko zigorra da, laguntza haien arrazoiak eta nondik norakoak zeintzuk izan ziren pentsatzen jarri gabe", nabarmendu du lehendakariak.

Urkullurren ustez, Euskadik "babes falta hirukoitza" zuenean eman ziren laguntzak, krisi ekonomiko "izugarria", Espainiako Gobernuaren aldetik industria politikoaren "gabezi osoa" eta enpresei xantaia egiten zien ETAren indarkeria "bidegabea" zirelako.

"Laguntzak ez ziren enpresak obligazio fiskaletatik libre uzteko", gaineratu du Urkulluk.

Lehendakariaren hitzetan, Espainiako Gobernuak jarrera bat hartu behar du isun horri irtenbidea emateko, baina Finantzen Euskal Kontseiluak akordio bat bultzatuko duela azaldu du, ordainketa nola banatu erabakitzeko.

Euskadin 2017rako defizit zero helburua lortzea aurreikusi du Urkulluk

Lehendakariak azaldu duenez, Euskadin 2017rako defizit publiko zero lortzea "zentzuzkoa" da, 2015 urtea % 0,7ko defizitarekin ixtea aurreikusi ostean.

Urkulluk iragarpen hori egin du, Cebek Bizkaiko patronalaren urteko batzarraren amaieran izandako gosarian, Bilboko Euskalduna jauregian.

"Hiru urteko epean defizit zeroren itzulera proposatzea iragartzeko moduan gaude", nabarmendu du lehendakariak, bertan izan diren agintarien eta hainbat enpresariren aurrean.

Lehendakariak adierazi duenez, urte honetarako aurreikuspena euskal ekonomia % 1 haztea da, eta enplegua egonkor mantentzea. Halaber,  enplegu garbia 2015an sortzen hasiko dela azpimarratu du, % 1,5eko hazkundearekin.