Feitok Laponiaz esandakoa era arruntean esan zuen, CEOEren ustez

Jose Luis Feito CEOEko Ekonomia eta Finantza-Politikarako presidenteak eskaintza bati uko egiten dieten langabeei diru-laguntzak kentzea proposatu zuen, eskaintza Laponian bada ere, baina CEOE aldendu egin da adierazpen horietatik eta hizkera arruntean hitz egin zuela ziurtatu du, ez patronal moduan.

Arturo Fernandez CEOEko zuzendariordeak egin ditu zehaztasun hauek, eta gaizki-ulertu bat egon dela adierazi du; izan ere, patronaleko buruzagiak "langabe batek bere ezagutzen araberako eskaintza bat jasoz gero, eskaintza onartzeko beste leku batera joan behar badu ere, onartu egin beharko lukeela esan nahi zuen", azaldu du.

Madril iparraldean bizi den langabe bati Madril hegoaldean enplegu bat eskaintzen badiote, "ez luke bi aldiz pentsatu beharko", esan du. Honen harira, Espainiako langileak ez daudela mugikortasunera ohituta gaineratu du Fernandezek, eta "pentsatzeko gaia da".

CEOEko zuzendariordeak Gobernuaren lan-erreforma txalotu du, eta aurreko Gobernu sozialista kritikatu du, "bi urtez jendea zorabiatzen" egon dela iritzita.

Gainera, sindikatuei ardura eskatu die lan erreformaren aurkako mobilizazioekin "egoera zailean gaudelako" eta greba orokorren aurrean "zentzudunak izateko" eskatu du.

Hala ere, baztertu egin du Grezian gertatzen ari dena Espainian ere gertatzea.

Jose Luis Feito CEOEko Ekonomia eta Finantza-Politikarako presidenteak eskaintza bati uko egiten dieten langabeei diru-laguntzak kentzea proposatu zuen, eskaintza Laponian bada ere, baina CEOE aldendu egin da adierazpen horietatik eta hizkera arruntean hitz egin zuela ziurtatu du, ez patronal moduan.Arturo Fernandez CEOEko zuzendariordeak egin ditu zehaztasun hauek, eta gaizki-ulertu bat egon dela adierazi du; izan ere, patronaleko buruzagiak "langabe batek bere ezagutzen araberako eskaintza bat jasoz gero, eskaintza onartzeko beste leku batera joan behar badu ere, onartu egin beharko lukeela esan nahi zuen", azaldu du. Madril iparraldean bizi den langabe bati Madril hegoaldean enplegu bat eskaintzen badiote, "ez luke bi aldiz pentsatu beharko", esan du. Honen harira, Espainiako langileak ez daudela mugikortasunera ohituta gaineratu du Fernandezek, eta "pentsatzeko gaia da". CEOEko zuzendariordeak Gobernuaren lan-erreforma txalotu du, eta aurreko Gobernu sozialista kritikatu du, "bi urtez jendea zorabiatzen" egon dela iritzita.Gainera, sindikatuei ardura eskatu die lan erreformaren aurkako mobilizazioekin "egoera zailean gaudelako" eta greba orokorren aurrean "zentzudunak izateko" eskatu du. Hala ere, baztertu egin du Grezian gertatzen ari dena Espainian ere gertatzea.