Ekonomia -
Bilboko Portuko gatazka
Vazquez Eguskiza: 'Ezin da onartu Portuan biolentzia erabiltzea'
Cebekeko presidenteak azpimarratu duenez, ez dute onartuko lehiakortasunaren aurkako jokabiderik, eta garraiolarien grebaren aurrean neurriak hartuko dituztela iragarri du.
Erredakzioa
Jose Maria Vazquez Eguskiza Cebek Bizkaiko patronaleko presidenteak Bilboko Portuko garraiolari autonomoak egiten ari diren grebaz hitz egin du. Horren hitzetan, “ezin da onartu biolentzia erabiltzea, eta ezta lehiakortasunaren aurkako jokabideak izatea ere”.
Azaroaren 5ean ekin zioten grebari Bilboko Portuko garraiolari autonomoek, Sintrabi eta Egas sindikatuek deituta., eta horren aurrean, Vazquez Eguskizak bere babesa eskaini dio Jose Ramon de la Fuente Bilboko Portu Agintaritzako presidenteari.
Vazquez Eguskiza Bilboko Portuko administrazio kontseiluko kidea da, eta garraiolarien grebaren aurrean neurriak hartuko dituztela iragarri du. Horren arabera, Bilboko Portuaren barruan lan egiteko lizentziekin gaineko dokumentazioa prestatuko dute.
Biolentziaren gaia Fiskaltzarekin jorratuko dutela ere iragarri du, eta egunotan lehiakortasunaren kontra izan litezkeen jokabideak gertutik jarraituko dituztela gaineratu du.
“Grebak zuzenean Bizkaiko ekonomiari eragiten dio, zenbait enpresak ez baitute portuko lan-gatazkaren menpe egon nahi beti”. Halaber, Bilboko Portua gaur egungo eta etorkizuneko azpiegitura dela azpimarratu du.
Jose Maria Vazquez Eguskiza Cebek Bizkaiko patronaleko presidenteak Bilboko Portuko garraiolari autonomoak egiten ari diren grebaz hitz egin du. Horren hitzetan, “ezin da onartu biolentzia erabiltzea, eta ezta lehiakortasunaren aurkako jokabideak izatea ere”. Azaroaren 5ean ekin zioten grebari Bilboko Portuko garraiolari autonomoek, Sintrabi eta Egas sindikatuek deituta., eta horren aurrean, Vazquez Eguskizak bere babesa eskaini dio Jose Ramon de la Fuente Bilboko Portu Agintaritzako presidenteari.Vazquez Eguskiza Bilboko Portuko administrazio kontseiluko kidea da, eta garraiolarien grebaren aurrean neurriak hartuko dituztela iragarri du. Horren arabera, Bilboko Portuaren barruan lan egiteko lizentziekin gaineko dokumentazioa prestatuko dute. Biolentziaren gaia Fiskaltzarekin jorratuko dutela ere iragarri du, eta egunotan lehiakortasunaren kontra izan litezkeen jokabideak gertutik jarraituko dituztela gaineratu du. “Grebak zuzenean Bizkaiko ekonomiari eragiten dio, zenbait enpresak ez baitute portuko lan-gatazkaren menpe egon nahi beti”. Halaber, Bilboko Portua gaur egungo eta etorkizuneko azpiegitura dela azpimarratu du.
