Egibar: 'Makineria prest dugu Hezkuntza eskumena defendatzeko'

Joseba Egibar Eusko Legebiltzarrean EAJko bozeramailearen esanetan, ostiral honetako Ministroen Kontseiluan onartutako Wert Legeak "eskumenaren esku-sartzea eta hizkuntza-atzerapena" ekarriko ditu.

Halaber, "Hezkuntza eskumena defendatzeko makineria prest" dutela aurreratu du Egibarrek. Horren harira, azken irtenbidea Auzitegi Konstituzionalera jotzea izango litzatekeela azpimarratu du.

Radio Euskadin jeltzaleak azaldu duenez, "PPk duen gehiengo absolutuaren ondorioa da Wert Legea, alderdi horren eta Hezkuntza ministroari buruan sartu zielako lege hori aurrera ateratzea". Horren harira, "eskumen-urraketa jazo da eta, eta edukietan atzerapena eman da, Legea atzerakoia da", nabarmendu du Egibarrek.

"Estatutuaren arabera, Hezkuntza EAEko eskumen esklusiboa da, ondorioz, Wert Legearekin hizkuntza alorrean esku-sartzea ere eman da", adierazi du, "horren aurrean, EAJ eskumena defendatuko du, hainbat lerro gorri daudelako, eta eskumen horiek defendatzeko makineria guztia izango dugu prest".

Probokazioa

Wert Legeak aurreikusi duenez, gaztelaniazko hezkuntza nahi duten gurasoei diru-laguntzak eskainiko dizkie Estatuak. "Probokazio hutsa da, Katalunian burtzikariak eta banderillak ere sartuko dituztela baino esatea ez zaie geratzen", esan du.

"Ematen du ezin dugula lege hori azkenean gauzatuko dela, hezkuntza-erkidego guztia horren aurka egon arren", iragarri du Egibarrek, "ondorioz, ez du ibilbide erraza izango".