Gizartea -
Hezkuntzaren erreforma
Wert: 'Hizkuntza belikoa ez zait batere gustatu'
Hezkuntza ministroaren hitzetan, "erlijioa ikastera ez da inor behartzen, eta beraz borondatezkoa da". "Hautazko" irakasgaia dela errepikatu du ministroak.
Erredakzioa
Erkidego autonomo batzuek hezkuntzaren erreforma proiektua (Lomce) kritikatzeko erabili duten "hizkuntza gustatu ez" zaiola adierazi du gaur Jose Ignacio Wert Hezkuntza ministroak, "belikoa" izan delako.
"Legea planteatzeko orduan espiritua ez da hori izan, ezta Gobernuak azaldutako espiritua ere, Erkidego Autonomoei zein alderdi politikoei", esan du Wertek.
Wert Kultura Konferentzia Sektorialean egon da gaur goizean, Haron (Errioxa). Erkidego Autonomoren batek Konstituzionalaren aurrean helegitea aurkez dezakeela esan diote kazetariek ministroari, eta Wertek erantzun egin du.
Ministroaren ahotan, "erkidegoren batek arazoak konpontzeko modua gustuko ez izan, eta beste formularen bat erabiltzea nahi badu, legearen helburuekin bateragarria bada entzuteko prest gaude".
Erlijioa
LOMCEren erlijioaren gaia "ur edalontzi batean ekaitza" dela kritikatu du Wertek, "bekak eskuratzeko orduan faktore erabakigarria izango dela esaten denean". Gainera, "erlijioa ikastera ez da inor behartzen, eta beraz borondatezkoa" dela erantsi du.
"Hautazko" irakasgaia dela errepikatu du ministroak, eta ondorioz, "eztabaida horrek ibilbiderik ez" duela gaineratu du.
