Gizartea -
Alacant
85 urteko gizonezko bat atxilotu dute emaztea lepoan sastatzeagatik
Biktima, 80 urteko emakumea, Zainketa Intentsiboko Unitatean dago. Ustezko erasotzailea, berriz, atxilotuta eraman zuten, eta datozen orduotan jarriko omen dute epailearen esku.
Erredakzioa
85 urteko gizonezko bat atxilotu dute Alancaten, igandean bere emaztea (80 urtekoa) lepoan sastatzeagatik. Emakumea Zainketa Intentsiboko Unitatean dago, Alacanteko San Joan Ospitalean, eta hobera egin du azken orduotan, Poliziak eta Osasun Kontseilaritzak jakinarazi dutenez.
Alacanteko Bernardo Lopez Garcia kalean, ustezko erasotzailearen eta biktimaren etxebizitzan, gertatu omen zen erasoa, igande goizean, 10:50 aldera. Gizonak ustez lepoan zauritu zuen emaztea, arma zuri bat erabiliz, eta Poliziak 112 zerbitzuaren bidez jaso zuen abisua. Dagoeneko ikerketa abiatu dute, gertatutakoa argitzeko.
Gizona atxilotuta eraman zuten polizia-etxera, eta datozen orduotan jarriko omen dute epailearen esku.
