Gizartea -
Politika Sozialak
Aburto: 'ELAk elkarrizketa sozialean arazo izatea erabaki du'
Sailburuak esan duenez, LAB sindikatua "parte hartzeko prest" agertu da. Aburtok Txiki Muñozek gidatutako sindikatuaren kontra egin du, "elkarrizketa sozialean parte hartzeari uko egin diolako".
Erredakzioa
Juan Maria Aburto Enplegu eta Politika Sozialen sailburuak ziurtatu duenez, ELAk Euskadiko elkarrizketa sozialean "arazo izatea erabaki du"; eta LAB, jarrera kritikoa izanda, "parte hartzeko prest agertu da". Gainera, Adolfo Muñozek gidatutako sindikatuak berari buruz "barrabaskeriak esatea eta iraintzea" ere deitoratu du.
Bestalde, ziur agertu da Metalgintzako hitzarmenen bat sinatzeak "asko" lagunduko lukeela "uda ostean parte hartze handiagoko" elkarrizketa sozialeko mahaia osatzen.
Onda Vascak egindako elkarrizketa batean, Aburtok ziurtatu du ELArekin azkenengoz harremana izan zuenean, orain dela hiru aste, Txiki Muñoz idazkari nagusiarekin bildu zela, eta hark elkarrizketa sozialaren mahaian parte hartzeko asmorik ez zutela adierazi ziola.
Geroztik, Aburtoren esanetan, ELAren ordezkarien ahoetatik "barrabaskeriak" besterik ez ditu entzun; besteak beste, Juan Maria Aburto Confesbaskekin "ezkutuan" biltzen dela "murrizketak adosteko". Eta hori "gezur hutsa dela" gaineratu du.
Sailburuaren arabera, ELAk "arazoa izatea erabaki du"; hori dela eta, "hori aldatu ezean, afiliatuek erabaki beharko dute zer egin behar duten".
Gainera, Aburtok ziurtatu duenez, LABeko ordezkariekin bildu da, eta haiekin biltzen jarraituko du. Sailburuaren ustean, sindikatu horrek jarrera "kritikoa" izan arren, "parte hartzeko prest azaldu da, baldintzekin". "Egin duen proposamena kontuan hartzekoa da. Eta Jaurlaritzak hala egingo du", esan du.
