Gizartea -
Gasteiz
80 urteko gizon bat atxilotu dute, urruntzeko agindua hausteagatik
Epaileak bere emaztearengana hurbiltzeko debekua ezarri zion erasotzaileari. Halaber, beste gizonezko bat atxilotu dute Gasteizen, genero indarkeriagatik.
Agentziak | Erredakzioa
82 urteko gizonezko bat atxilotu dute Gasteizen, bere emaztearengana hurbiltzeko debekua urratzeagatik.
Udaltzaingoak ohar baten bidez jakinarazi duenez, erasotzailea asteartean atxilotu zuten. Izan ere, bere emazteak 092 telefono zenbakira deitu zuen gizonak bere atariko txirrina jo zuenean. Polizia-agenteak berehala bertaratu ziren eta etxe horretako atarian aurkitu zuten adinekoa.
Bestalde, 32 urteko gizon bat atxilotu dute Gasteizen, bide publikoan bere bikotekidearekin eztabaidatu ostean. Gertaera Abendaño kalean jazo da, eta, Poliziak, genero indarkeria delitua leporatuta atxilotu du gizonezkoa.
_________________________________________________________________________
Tratu txarren biktima bazara edo kasuren bat ezagutzen baduzu, kontuan hartu gida honetako aholkuak edota deitu telefono zenbaki hauetako batera: 900 840 111 (Euskadin) edo 016 (Estatu osoan). Doakoak dira biak, eta ez dute arrastorik uzten fakturan.
