Gizartea -

Emakumeen aurkako indarkeria

Beste bi lagun zigortu dituzte emakumeei ukituak egiteagatik sanferminetan

Bi auzipetuei zortzi hilabeteko kartzela-zigorra jarri diete, eta 1.000 euroko kalte-ordaina eman beharko diete biktimei.

Sexu erasoen aurkako manifestazioa, atzo. Argazkia: EiTB
Sexu erasoen aurkako manifestazioa, atzo. Argazkia: EiTB
Sexu erasoen aurkako manifestazioa, atzo. Argazkia: EiTB

agentziak | erredakzioa

Whatsapp Facebook Twitter Telegram Email

Emakumeei ukituak egiteagatik sexu-gehiegikeriak leporatuta atxilotu dituzten bi lagunek zortzi hilabeteko kartzela-zigorra onartu dute Iruñeko Guardiako Auzitegian.

Era berean, bi auzipetuek 1.000 euroko kalte-ordaina eman beharko diete biktimei kalte moralagatik, Nafarroako Justizia Auzitegi Nagusiak jakitera eman duenez.

Frantziako Estatuko herritarra Gaztelu Plazako taberna batean bart egindako ukituengatik atxilotu dute, eta pakistandarra Jarauta kalean egindakoengatik. Bi kasuetan biktimari bulrrak ukitu dizkiote.

Bi kasuetan, eta atzerritarrei egindako gainerako epaiketa azkarretan, Auzitegiak atxilotuen pasaporteak jasotzen ditu biktimek kalte-ordainak eskuratu arte.

Hau zure interesekoa bada, baliteke beste gai hauek ere izatea
Iruñeko albisteak Tratu txarrak gaur San Fermin jaiak Gizartea bideoak Albisteak