Publizitatea
X

Irratia zuzenean

Greba feminista 2018 martxoak 8: Bilboko mobilizazioa nazioarteko hedabideetan

Gizartea

Greba Feminista

Bilboko uholde morea, nazioarteko komunikabideetan

EITB.EUS

2018/03/09

Euskal Herriko emakumeek egindako indar erakustaldiak mundu osoan izan du oihartzuna. Bilboko manifestazioaren irudiak The New York Times, BBC edo The Guardian bezalako komunikabideetan agertu dira.

1:22
  • Whatsapp
  • Bidali

2018ko martxoaren 8a emakumeen borrokaren inflexio puntua bilakatuko dela gaur ez du inork zalantzan jartzen.

Greba feministak aurreikuspen guztiak hautsi zituen atzo, baita antolatzaileenak ere. Euskal Herriko Mugimendu Feministak aitortu du espero baino askoz jende gehiago bildu zela mobilizazioetan eta ziur agertu da atzokoa "mugarri" izango dela emakumeen borrokan.

Euskal Herriko hiriburuetan dozenaka mila emakume elkartu ziren, eguerdian eta gauean egindako manifestazioetan.

Bilbon 35.000-50.000 emakume atera ziren kalera goizean; Iruñean, 13.000; Gasteizen, 12.000; eta Donostian, 5.000tik gora. Gauean deitutako mobilizazioetan beste horrenbeste edo askoz gehiago izan ziren. Bilbon, esaterako, 60.000 lagun batu ziren.

Denen ahotan dabil. Emakumeek indar erakustaldia egin zuten atzokoan. Hunkigarria, arrakastatsua eta historikoa izan zen.

Horren erakusgarri izan daiteke, adibidez, Bilboko manifestazioaren irudiak The New York Times, BBC, The Guardian edo TeleSur bezalako komunikabide handietan agertu izana.

Euskal Herriko uholde morearen irudiak erabili dituzte Emakumeen Nazioarteko Egunari buruzko kronikak janzteko.

MARTXOAK8 BILBO EFE2

(Jendetza bildu zen Bilboko manifestazioan. Argazkia: EFE)

Iruzkinak

Publizitatea
Publizitatea
NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena