Gizartea -
Hondoratzea Zierbenan
'Zirri'ko beste marinel baten gorpua topatu dute Matxitxakotik gertu
Ezbeharraren ostean bizirik erreskatatu zuten haurraren aita da, ETBk jakitera eman duenez. Umeak atzo jaso zuen alta Gurutzetako ospitalean.
Erredakzioa
Salvamar Alcyone ontziak beste gorpu bat aurkitu du gaur 19:30 aldera Matxitxako lurmuturretik 3,6 miliara.
Desagerturik jarraitzen zuten Zirri ontziko bi tripulatzaileetako bat da topatutakoa. Ontzia iragan ostegunean hondoratu zen. Ezbeharraren ostean erreskatatu zuten haurraren aita da, ETBk jakitera eman duenez. Umeak atzo jaso zuen alta Gurutzetako ospitalean.
Salvamar Alcyone ontziak gorpua erreskatatu eta Bermeora eraman du.
Desagertutakoak bilatzeko dispositiboan Guardia Zibileko Rio Pas patruilariak, Itsas Zain Ertzaintzako patruilariak, Gurutze Gorriko txalupek, Ertzaintzako helikopteroak, Salvamar Monte Gorbea-k, Salvamar Alcyone-k, Helimer 205 helikopteroak eta Maria de Maeztu ontziak parte hartu gaur. Asteazkenean, lehen orduan hasiko dira bil
