Gizartea -
KORONABIRUSA
579 kasu berri atzeman dituzte Euskadin, eta positiboen tasa % 5,8ra jaitsi da
Lurraldeka, Araban 60 kasu zenbatu dituzte, Bizkaian 304 eta Gipuzkoan 210. Bestalde, 48 pertsona ospitaleratu zituzten atzo logela arruntetan, covid-19ak jota, eta 71 lagun daude ZIUn.
L.Z. | EITB MEDIA
Azken 24 orduetan 579 covid-19 positibo berri atzeman dituzte Euskadin, 10.042 proba egin ostean, asteartean baino 99 kasu gehiago. Positiboen tasa, berriz, % 5,8an dago orain, alegia, aurreko egunean baino baxuago (% 7,1).
Lurraldeka, Araban 60 kasu berri zenbatu dituzte (22 gutxiago), Bizkaian 304 (76 gehiago) eta Gipuzkoan 210 (41 gehiago), Eusko Jaurlaritzaren Osasun Sailak asteazken honetan emandako datuen arabera.
Ospitaleei dagokienez, 48 pertsona ospitaleratu zituzten asteartean covid-19ak jota logela arruntetan, aurreko egunean baino 5 gehiago. Bestalde, gaur-gaurkoz 71 lagun daude ZIUn, steartan baino 4 gutxiago.
