Gizartea -
Koronabirusaren semaforoa
Berango eremu gorrian sartu da, eta Gorliz, berriz, bertatik atera
Gipuzkoan ere bi aldaketa izan dira: Debak okerrera egin du eta horitik laranjara igaro da. Mutriku, ordea, udalerri horia da gaurtik.
E. G. | EITB MEDIA
Gipuzkoan, Andoain, Astigarraga, Azpeitia, Donostia, Eibar, Elgoibar, Errenteria, Hernani, Hondarribia, Irun, Lasarte-Oria, Legazpi, Lezo, Orio, Pasaia, Tolosa, Urnieta, Urretxu eta Zumarraga daude egoerarik okerrenean.
Eremu laranjan, honako hauek daude: Aretxabaleta, Arrasate, Azkoitia, Beasain, Bergara, Deba, Oiartzun, Ordizia, Usurbil, Villabona, Zarautz eta Zumaia.
Gune horian, Lazkao eta Oñati batu zaie azken orduetan Mutriku.
Ez dago udalerri bakar bat ere eremu berdean.
Bizkaian, Abadiño, Arrigorriaga, Balmaseda, Barakaldo, Basauri, Berango, Bermeo, Bilbo, Derio, Durango, Elorrio, Erandio, Galdakao, Gernika-Lumo, Getxo, Gueñes, Leioa, Lekeitio, Markina-Xemein, Mungia, Muskiz, Ortuella, Portugalete, Santurtzi, Sopela, Trapagaran, Zalla eta Zornotza daude eremu gorrian.
Eremu laranjan, alegia, bigarren mailan, Abanto, Ermua, Etxebarri, Gorliz, Ondarroa eta Sestao daude.
Ez dago udalerri bakar bat eremu horian, ezta berdean ere.
Arabako datuei dagokienez, ez da aldaketarik izan. Agurainek eta Gasteizek eremu gorrian jarraitzen dute. Laudio, berriz, eremu laranjan dago, eta Amurriok horiari eutsi dio.
Jaurlaritzak Europar Batasunak (EB) onartutako koloreen mapa egokitu du, eta azken 14 egunetan metatutako eragin-tasaren arabera sailkatu ditu EAEko udalerriak.
Zehazki, semaforo horrek kolore berdea, laranja, horia edo gorria erabiliz sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak honela erabiltzen dira:
