Publizitatea
Itxi

2021/03/07

12:45

Gizartea

Koronabirusa

Kasu berriak 247ra jaitsi dira EAEn, eta positibo tasa % 4,3an mantendu da

Mikel Dominguez | EITB Media

Aurreko eguneko datuekin alderatuta, beherakada nabarmena izan dira kasu berrietan, baina atzo baino bost pertsona gehiago daude ZIUetan.

  • Galdakaoko Ospitaleko ZIU.

    Galdakaoko Ospitaleko ZIU. Argazkia: EFE

  • Whatsapp
  • Whatsapp
  • Telegram
  • Bidali

Azken egunean 247 covid-19 kasu positibo berri erregistratu dira Euskal Autonomia Erkidegoan. Aurreko egunarekin (307) alderatuta, jaitsiera nabarmena da, eta aurreko igandearekin (269) konparatuta ere kasu gutxiago zenbatu dira.

Atzemandako kasuetatik, 130 Bizkaikoak dira, 77 Gipuzkoakoak eta 38 Arabakoak. Beste lau EAEtik kanpokoak dira.

Guztira, larunbatean 5.760 proba diagnostiko egin dira, PCR zein test antigeno. Positibo tasa, beraz, % 4,3koa da, hau da, atzoko bera.

Ospitaleen egoerari dagokionez, bost pertsona gehiago daude zaintza intentsiboetako unitateetan. Guztira covid-19a duten 120 gaixo larri daude gaur, Eusko Jaurlaritzaren datuen arabera. Gainera, 32 pertsona ospitaleratu dituzte azken 24 orduetan.

Osasun Sailak bihar, astelehena, eguneratuko ditu udalerrien eta R0 indizearen inguruko datuak.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;