Itxi

2021/04/19

13:48

Gizartea

Koronabirusa

Gurutzetan probatuko dute AstraZenecarena jaso zutenek beste batena har dezaketen

E. G. | EITB MEDIA

Lehen dosian txerto britainiarra jaso duten Espainiako Estatuko 600 pertsonari Pfizer edo Moderna ipiniko diete, gertakinak nahastea segurua ote den "ebidentzia zientifikoa" lortzeko.

  • Gurutzetako Ospitalea

    Gurutzetako Ospitalea, Aitor Agirrezabalen artxiboko argazki batean.

  • Whatsapp
  • Whatsapp
  • Telegram
  • Bidali

Gurutzetako Ospitaleak Espainiako Estatuan lehen aldiz egingo den entsegu kliniko batean parte hartuko du. Helburua da jakitea lehen dosian AstraZenecaren gertakina jaso dutenei egokia ote den beste marka bateko txerto baten (Pfizer-BioNTech edo Moderna) bigarren dosia ematea.

Entsegu klinikoari CombiVacS izena jarri diote eta Carlos III.a Osasun Institutuak gidatuko du. Raquel Yotti zuzendariak zehaztu duenez, txertoak konbinatzea segurua ote den "ebidentzia zientifiko lortzea" da euren helburua. 60 urte baino gutxiagoko pertsonak AstraZenecarekin ez babestea erabaki zuten Osasun Ministerioak eta erkidegoek gertakin horrek eragin omen dituen odolbilduen kasuak direla eta.

Yottiren esanetan, "urgentziaz" lortu beharrekoa da ebidentzia hori, "AstraZenecaren lehen dosiarekin babestutakoekin zer egin behar dugun erabakitzeko eta erabaki horiek oinarria edukitzeko".

Hala, argitu du Espainiako Estatuko 600 pertsonarekin egingo dutela proba. Bost erietxek hartuko dute parte, Gurutzetakoaz gain, Madrilgo La Paz eta Klinikoa, eta Bartzelonako Vall d'Hebron eta Clinic.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;