Derio, Lekeitio, Mungia eta Muskiz gorriz margotu dira; Beasainek ateratzea lortu du

Gainera, hainbat egunez kolore horiari eutsi dion Elgoibarrek (Gipuzkoa) bigarren mailara igaro da gaur.

Eusko Jaurlaritzako Osasun Sailaren semaforoa

Eider Garaikoetxea | EITB MEDIA

publikatuta: 2021/04/26 12:58 (UTC+2)

azken eguneratzea: 2021/04/26 13:27 (UTC+2)

OHARRA: Arabako, Bizkaiko eta Gipuzkoako udalerrien egoera epidemiologikoari buruzko zerrenda hau egunero argitaratzen da, baina ez da perimetralki itxita egongo diren herrien eta hirien zerrenda. 400 kasuko intzidentzia-tasa metatua gainditu duten udalerriei buruzko ebazpena astelehenetan argitaratzen du Eusko Jaurlaritzak, eta neurri murriztaileak biharamunean sartzen dira indarrean.

Derio, Lekeitio, Mungia eta Muskiz eremu astinduenean, gorrian, sartu dira gaur, covid-19ak Euskadin herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Beasain (Gipuzkoa), ordea, udalerri laranja da, datuak hobetu ostean.

Araban (424 kasu 100.000 biztanleko) ez da aldaketarik izan, eta gorrian jarraitzen du, baita Gasteizek, Amurriok eta Laudiok ere.

Horrenbestez, ez dago udalerririk bigarren mailan, laranjan. Agurainek kolore horiari eutsi dio, ordea.

Bizkaia ere gune astinduenean dago (100.000 biztanleko 455 kasurekin), eta horretan sartu dira azken orduetan Derio, Lekeitio, Mungia eta Muskiz. Gorriz margotuta ageri dira oraindik, honakoak: Berango, Bilbo, Erandio, Ermua, Getxo, Leioa, Ondarroa, Portugalete, Santurtzi, Sestao eta Trapagaran.

Gune laranjan, honako hauek daude: Arrigorriaga, Balmaseda, Barakaldo, Basauri, Bermeo, Galdakao, Sopela eta Zalla.

Kolore horiari eutsi dioten udalerriei dagokionez, honakoak dira: Abanto, Durango, Elorrio, Etxebarri, Gernika-Lumo, Gorliz, Gueñes, Markina-Xemein, Ortuella eta Zornotza.

Ez dago udalerririk eremu berdean.

Gipuzkoa da lurralderik astinduena (726 kasu 100.000 biztanleko), eta udalerri gehienak (32) ditu gorrian: Andoain, Aretxabaleta, Arrasate, Astigarraga, Azkoitia, Azpeitia, Bergara, Deba, Donostia, Eibar, Errenteria, Hernani, Hondarribia, Irun, Lasarte-Oria, Lazkao, Legazpi, Lezo, Mutriku, Oiartzun, Oñati, Ordizia, Orio, Pasaia, Tolosa, Urnieta, Urretxu, Usurbil, Villabona, Zarautz, Zumaia, eta Zumarraga.

Beasainek gune gorritik ateratzea lortu du, eta denbora luzez horian egon den Elgoibarrek, berriz, kontrako bidea egin du. Biak ala biak eremu laranjan daude.

Elgoibar irtenda, ez dago kolore horiari eusten dion udalerririk.

Ez dago udalerririk eremu berdean.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Zure interesekoa izan daiteke: Honela funtzionatzen du covid-19aren semaforoak eta hauek dira irizpideak

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Hau zure interesekoa bada, baliteke beste gai hauek ere izatea

Osakidetza Bilbo Herriak eta Hiriak Santurtzi Sopela albisteak Bizkaia Gipuzkoa Araba Elgoibar Eusko Jaurlaritza Azpeitia Tolosa Euskal Autonomia Erkidegoa Gaixotasunak Arrasate argazkiak Gizartea Eguneko albisteak Gasteiz Agurain Lekeitio bideoak Durango Zumarraga Azkoitia Ordizia Astigarraga Oñati Beasain Albisteak Osasun albisteak Medikuak Derio albisteak Erizaintza Sendagaiak Koronabirusa Alarma egoera

Derio, Lekeitio, Mungia eta Muskiz gorriz margotu dira; Beasainek ateratzea lortu du

Esteka kopiatuta