Gizartea -
Koronabirusaren semaforoa
Barakaldo eta Derio eremu gorrian sartu, eta Ermua eta Getxo atera egin dira
Balmaseda eta Ortuella, Bizkaian, laranjatik horira igaro dira. Gauza bera gertatu da Elgoibarren eta Mutrikun ere, hori jarri baita semaforoa Gipuzkoako bi udalerri horietan.
ANE SANTESTEBAN | EITB MEDIA
Egun bakarra laranjan egon eta gero, Barakaldo eta Derio eremu gorrira igaro dira berriz ere, covid-19ak EAEn herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Eremu latzenetik irtetea lortu dute, aldiz, Ermuak eta Getxok.
Arabak (320 kasu 100.000 biztanleko) eta Gasteizek (311) datuak hobetzen jarraitzen dute, baina eremu laranjan daude oraindik. Gorriz margotuta jarraitzen dute Amurriok eta Laudiok, eta, Agurainek horiari eutsi dio gaur ere.
Bizkaian egoera hobetzen ari da, baina oraindik ez du eremu gorritik irtetea lortu (100.000 biztanleko 443 kasurekin). Ondorengo udalerrietan ere gorri dago semaforoa: Basauri, Bilbao, Erandio, Galdakao, Leioa, Lekeitio, Mungia, Muskiz, Ondarroa, Santurtzi, Sestao, Sopela eta Trapagaran. Gainera, azken orduan Barakaldo eta Derio gehitu zaizkie, egun bakarra laranjan egon ondotik.
Laranja kolorez, berriz, ondorengo udalerri hauek ageri dira: Arrigorriaga, Bermeo, Durango, Ermua, Getxo eta Portugalete.
Horian dauden udalerriak honakoak dira: Abadiño, Abanto Zierbena, Amorebieta-Etxano, Balmaseda, Berango, Etxebarri, Gernika-Lumo, Gorliz, Gueñes, Markiña-Xemein, Ortuella eta Zalla.
Elorriok udalerri berde izaten jarraitzen du.
Gipuzkoan, (592 kasu 100.000 biztanleko) egoera hobetzen ari da gutxinaka baina oraindik ere udalerri gehienak eremu gorrian jarraitzen dute, 28k, hain zuzen ere: Aretxabaleta, Arrasate, Astigarraga, Azkoitia, Azpeitia, Bergara, Deba, Donostia, Errenteria, Hernani, Hondarribia, Irun, Lasarte-Oria, Legazpi, Lezo, Oiartzun, Oñati, Ordizia, Orio, Pasaia, Tolosa, Urnieta, Urretxu, Usurbil, Villabona, Zarautz, Zumaia eta Zumarraga.
Andoain, Eibar eta Lazkao laranja margotuta ageri dira dira, eta, Beasain, Elgoibar eta Mutriku, berriz, hori.
Ez dago kolore berdea duen udalerririk.
Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.
