Gizartea -

Indarkeria matxista

Bikotekideari bortizki erasotzeagatik Gasteizen atxilotutako gizona kartzelan sartu dute

Zehazki, sexu-erasoa, lesioak, mehatxuak eta hertsapenak egotzi dizkiote.

AGENTZIAK | EITB MEDIA

Whatsapp Facebook Twitter Telegram Email

Bikotekideari aurpegian kolpe bortitzak emateagatik Ertzaintzak Gasteizen atxilotutako 37 urteko gizona espetxean sartu dute, genero-indarkeriako delitu bat egotzita.

Ertzaintzak Arabako hiriburuko Genero Indarkeriaren Epaitegiaren esku utzi zuen atxilotua asteazkenean, eta epaileak kartzelara bidali du, deklarazioa hartu ostean.

Gertakariak irailaren 12an izan ziren, igandean, Gasteizko etxebizitza batean. Erasotzaileak hainbat kolpe eman zizkion bikotekideari aurpegian, bortizki, eta labana batekin mehatxatu zuen.

Erasoa gertatu eta ordu batzuetara, irailaren 13an, astelehenean, emakumeak zauriak sendatzera joan zen osasun-zentrora, eta egun horretan bertan atxilotu zuten ustezko erasotzailea, sexu-erasoa, lesioak, mehatxuak eta hertsapenak leporatuta.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Erlazionatutako edukiak

Detenido un hombre en Vitoria-Gasteiz tras golpear brutalmente en la cara a su pareja
Hau zure interesekoa bada, baliteke beste gai hauek ere izatea
Tratu txarrak Espainian Azken ordukoa Bizkaia Gipuzkoako albisteak Araba EAE Gizartea albisteak Emakumeen kontrako tratu txarren salaketak Albisteak Gaur Gasteiz albisteak Gaurko azken orduko albistea Matxismoa gaur

Informazio gehiago