Itxi

2021/11/21

11:08

Gizartea

Emakumeen aurkako indarkeria

Espetxera bidali dituzte Araban adingabe bati sexu-erasoa egitea egotzita atxilotutako bi gizonezkoak

AGENTZIAK | EITB MEDIA

Ustezko erasotzaileak eta adingabea senideak omen dira. Dirudienez, sexu-abusuak "hilabetez" luzatu ziren.

  • Zaballako espetxearen artxiboko irudietako bat. Argazkia: EITB Media

    Zaballako espetxearen artxiboko irudietako bat. Argazkia: EITB Media

  • Whatsapp
  • Whatsapp
  • Telegram
  • Bidali

Adingabe bati sexu-erasoa egitea leporatuta ostiralean Araban atxilotutako bi gizonezko espetxera bidali dituzte. Bi ustezko erasotzaileak eta adingabea senideak omen dira.

Eusko Jaurlaritzako Segurtasun Saileko iturriek baieztatu dutenez, atxiloketa ostiral honetan jazo da. Atxilotuak 30 eta 39 urteko gizon bi dira, eta adingabe bati egindako sexu-erasoa egotzi diete. Epailearen aurretik igaro ostean, Gasteizen, kartzelan sartu dituzte igande honetan.

Biktima adingabea denez, Ertzaintzak ez du ikerketaren datu gehiago jakitera eman. El Correok argitaratu duenez, adingabearen osaba eta aitaorde dira atxilotuak.

Kazeta horren arabera, adingabea eta haren ama Ertzain-etxean azaldu ziren ostiralean. Hasiera batean, emakumeak bere bikotekidea salatu zuen haren alabaren aurkako sexu-erasoagatik baina, azkenean, ertzainei galderei erantzunda, adingabeak aitortu zuen bere osabak ere sexu-abusuak egin zizkiola. Dirudienez, sexu-erasoak "hilabetez" luzatu ziren.

Adingabeari mediku-azterketa egin zioten ospitalean, eta ondoren Ertzaintzak bi gizonezkoak atxilotu zituen.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
  • Bisitatuena

      Kargatzen ikusiena
      Kargatzen ikusiena
    ;