Gizartea -

Koronabirusa

Javier Zulueta: "Omikronek talde-immunitatea ekarri eta pandemiarekin bukatu lezake"

Monte Sinai ospitaleko pneumologia eta zainketa intentsiboen buruaren arabera, aldaera berriak amaiera eman liezaioke pandemiari, eta txertaketaren garrantzia azpimarratu du.

Javier Zulueta New Yorkeko Monte Sinai ospitaleko pneumologia eta zainketa intentsiboetako burua.
Javier Zulueta New Yorkeko Monte Sinai ospitaleko pneumologia eta zainketa intentsiboetako burua.
Zulueta: 'Omicron aldaerarekin immunizazio zabala lor genezake eta horrek pandemiaren amaiera eragin dezake'

1:58

I. G. | EITB MEDIA

Whatsapp Facebook Twitter Telegram Email

Covid-19aren kasuek gora egiten jarraitzen dute omikron aldaera berriaren ondorioz. Badirudi koronabirusaren aldaera berri horren sintomak aurrekoenak baino arinagoak direla, baina kutsakorragoa ere bada, baita herritarren artean errazago zabaltzen ari dena ere.

Radio Euskadin egindako elkarrizketa batean, Javier Zulueta New Yorkeko Monte Sinai ospitaleko pneumologia eta zainketa intentsiboetako burua bat dator beste aditu batzuen iritziarekin, omikron "pandemiari amaiera emango dion aldaera" izan daitekeela esatean.

"Kasuak biderkatzen ari dira, eta litekeena da ia denok kutsatzea, eta horrek onuragarria izango den immunitate naturala sortuko du", gaineratu du. Pneumologoaren arabera, litekeena da etorkizunean ere agerraldiak egotea, baina "koadro arinak" izango dira, eta txertoarekin kontrolatu ahal izango dira.

AEBn ez bezala, Euskadin txertaketa prozesua abiadura onean doala azpimarratu du. Izan ere, han "biztanleen % 70ek dosi bakarra du, eta are txikiagoa da jarraibidea osorik dutenen ehunekoa. Toki batzuetan, biztanleen % 30 baino ez dago txertatuta".

Horregatik nabarmendu du hirugarren dosiaren beharra, "txertoa jarri eta 6 hilabetera immunizazio maila jaisten hasten baita, eta hirugarren dosia eraginkorra da omikronen aurka".

Birusari aurre egiteko hartu nahi diren neurri murriztaileei dagokionez, uste du birusarekiko esposizioa ordu konkretu batzuetan mugatzeak ez duela "askorako balioko". Adierazi duenez, aldaera hau ez da aurrekoak bezalakoa eta "bestelako neurri eta ekintzak behar dira".

Azkenik, azaldu duenez, "kasuek goia jotzetik gertu" egon arren eta pandemia amaituko bada ere, "birusa gure artean geratuko da".

Hau zure interesekoa bada, baliteke beste gai hauek ere izatea
Osakidetza New York Ameriketako Estatu Batuak Gaixotasunak Gizartea Eguneko albisteak Albisteak Zientzia Osasun albisteak Medikuak Basurtuko ospitalea Gurutzetako ospitalea Erizaintza Sendagaiak Txertoak Donostia Ospitalea Txagorritxu Ospitalea Nafarroako Ospitale Gunea Koronabirusa Galdakao-Usansolo Ospitalea Anbulatorioak Osasunbidea