Gizartea -
indarkeria matxista
Elkarretaratzea deitu dute Barakaldon, gizon batek bikotekide ohiari egindako erasoa salatzeko
Astelehenean salatuko dute erasoa, herriko Bide Onera Plazan 19:00etan izango den elkarretaratzean.
agentziak | eitb media
Barakaldon asteburu honetan gizon batek bikotekide ohiari egindako erasoa salatuko dute astelehenean elkarretaratze batean, Argitan Barakaldoko emakumeentzako aholku etxeak jakitera eman duenez.
Larunbatean izan zen erasoa, Barakaldoko etxebizitza batean. Lekuan bertan atxilotu zuten erasotzailea, genero indarkeria eta kondena urratzea egotzita, biktimarekiko urruntze agindua baitzuen.
Gizona aurretik ere atxilotu zuten arrazoi beragatik, eta epaileak kartzelara bidaltzea erabaki zuen, Udaltzaingoaren arabera.
Astelehenean salatuko dute erasoa, herriko Bide Onera Plazan 19:00etan izango den elkarretaratzean. Argitanek sare sozialetan zabaldutako mezuaren arabera, indarkeria matxistaz "nazkatuta" daude.
