Gizartea -
IPARRALDE
Iparraldeko hondartza guztiak ireki dituzte, uraren kutsaduragatik itxita egon ondoren
Donibane Lohizuneko, Ziburuko eta Erromardiako hondartzek itxita jarraitzen zuten larunbat goizean. Ostegunean Iparraldeko 34 areatza itxi zituzten uraren kutsaduraren ondorioz.
I.G. | eitb media
Jada ireki dituzte ostegunean Lapurdin itxi ziren 34 hondartzak asteazken gauetik aurrera izandako euriteek eragindako kutsadura zela eta.
Ostiralean zehar Miarritzeko, Bidarteko, Angeluko eta Hendaiako areatzak ireki zituzten, baina Donibane Lohizuneko, Ziburuko eta Erromardiako hondartzek itxita jarraitzen zuten. Larunbat honetan lau hondartza horien uraren analisia egin da, eta emaitza positiboek horiek berriro irekitzea ahalbidetu dute.
Antza denez, euri jasek uren tratamendurako zenbait plantek gainezka egitea eragin dute eta, halaber, oso gune lehorretan eroritako euri kantitate handiek ura kutsarazi dute, Sud Ouest egunkariak web gunean zabaldu duenez.
