Israelek aske utziko dituen 26 preso palestinarren zerrenda onartu du

Israelek Palestinako 104 presoen askapena kudeatzeko sortutako batzordeak zerrenda bat egin du lehen 26 presoen izenekin, Benjamin Netanyahuren bulegoak aditzera emandakoaren arabera. Presoak asteazkenean hasiko den negoziazio prozesua abian den bitartean askatuko dituzte.

"Zerrenda Kartzela Zerbitzuko webgunean argitaratuko digu biktimen familiei askapenen berri eman ondoren", iragarri dute israeldarrek ohar batean.

Israelek 104 preso palestinar askatzea onartu zuen John Kerry AEBetako Estatu idazkariak bake negoziazioei bultzada emateko ahaleginari erantzuteko. Preso horiek guztiek baldintza bat bete behar dute; Osloko 1993ko akordioen aurrekin kartzelan egotea.

Erabaki hori aditzera eman aurretik, eta presten askatzearen truke, Jerusalemen 1.200 etxebizitza inguru eraikiko dituela iragarri du Israeleko Gobernuak. Israeldarrek 1967tik okupatuta dauden lurraldeetan egingo dira etxebizitzak.