Mundua -
Krisi ekonomikoa
Greba deialdiak egin dituzte sindikatuek Grezian
ADEYk, Greziako sektore publikoko sindikatu nagusiak, greba egitera deitu ditu langileak, lan-erreserbaren kontra.
Erredakzioa
Irailaren bukaera baino lehen, 12.500 funtzionariok eta, abenduaren 31rako, beste horrenbestek, lan-erreserbara pasako dira. Hori dela eta, kaltetuak zortzi hilabetetan langabezian egongo dira baina diru-laguntzak jasoko dituzte, soldataren ehuneko 75a, hain zuzen.
Aldi horretan, langile horiek administrazio publikoko beste lanpostu batera trasladatuak izan daitezkeen aztertu beharko du Gobernuak. Hori posible ez bada, kaleratuak izango dira.
Gauzak horrela, astelehenean hasi eta bost egunetan, hezkuntza publikoko irakasleak, unibertsitateetako administrariak eta poliziak lanuztea egitera deituak daude, halaber, gizarte segurantzako eta Estatuko enplegu erakundeko langileak.
