Itxi

Mundua

Hego Korea

226 gorpu erreskatatu dituzte jada Hego Korean hondoratutako ontzitik

Erredakzioa

Hala ere, oraindik ere 76 pertsonak desagertuta jarraitzen dute. Azken orduotan gorpu guztiak errekuperatu ezingo direnaren beldurra zabaldu da.

  • 'Sewol' itsasontzia apirilaren 16an hondoratu zen Hego Koreako kostatik gertu. Argazkia: EFE

    'Sewol' itsasontzia apirilaren 16an hondoratu zen Hego Koreako kostatik gertu. Argazkia: EFE

Hego Koreako Erreskate Taldeek 226 gorpu erreskatatu dituzte apirilaren 16an Hego Koreako uretan hondoratu zen 'Sewol' ferrytik. Dena den, oraindik ere 76 pertsonak desagertuta jarraitzen dute, Yonhap albiste agentzia hego-korearrak jakinarazi duenez.

Azken orduotan gorpu guztiak errekuperatu ezingo direnaren beldurra zabaldu da, bereziki, gorpuetako bat ontzia hondoratu zen tokitik 4 kilometrora aurkitu ostean.

Park Geun Hye Hego Koreako presidenteak barkamena eskatu du 'Sewol' ferryaren hondoratzearen harira, Gobernuak izan duen erantzunagatik. Hondoratzearen krisiak politikariengan eragina izan du, izan ere, Chung Hong-won Hego Koreako lehen ministroak dimisioa eman du, Sewol hondoratutako itsasontziaren ezbeharrean (300 hildako eta desagertu baino gehiago) egindako kudeaketa dela eta jasotako kritikengatik.

Hondoratutako ontziak Incheon eta Jeju uhartearen arteko bidea egiten zuen astean bitan eta apirilaren 16an Jindo uhartearen parean hondoratu zen. Bidaiari gehienak hego-korearrak ziren, baina gutxienez hiru hildako atzerritarrak ziren.

Ontzia 1994an eraiki zuten Japonian, 6.825 toneladako pisua zuen eta 921 bidaiarirentzako, 180 ibilgailurentzako eta 152 edukiontzirentzako tokia zuen.

'Sewol' ontziaren jabetza handiena duen Cheonghaejin Marine Co enpresak bere gain hartuko ditu ezbeharrak eragindako erantzukizun soziala eta legearen aurreko.

  • Bisitatuena

      Kargatzen ikusiena
      Kargatzen ikusiena