Israeleko bonbardaketetan egindako 'selfiek' polemika piztu dute

Sare sozialen inguruan sortutako azken polemika da. Israelek Gaza bonbardatzen duen eta hildakoen kopuruak gora egiten duen bitartean, Israelen bizi diren zenbait gaztek bonbardaketak selfiak egiteko aprobetxatzen dituzte; hau da, sakelako telefonoekin euren buruei argazkiak ateratzen hasten dira, Palestinarren koheteen jaurtiketaz ohartarazten duten alarmek jotzen dutenean.

Gehienak Israelen ikasten ari diren atzerritarrak dira, eta Israelen eta Palestinarren arteko gatazkak bertan harrapatu ditu. Baina argazkiak sare sozialetara igotzean egiten dituzten komentario barregarriek eta arinek haserrea sortu dute gainontzeko erabiltzaileen artean.