Mundua -
Ekainean bahitu zituzten
Hamaseko buruetako batek 3 israeldarren bahiketarekin lotu du taldea
Talde palestinarrak ez du akusazioa baieztatu, ezta ukatu ere. Ekainean bahitu eta hildako hiru gazte israeldarren aferak eragin du azken asteetako Gazako Zerrendako gatazka.
Erredakzioa
Hamas talde palestinarreko buruetako batek gaur aitortu du eurek bahitu eta hil zituztela ekainean hiru gazte palestinarrak. Gertaera horrek eragin du azken asteetako indarkeria uholdea Gazako Zerrendan.
Sale al Aruri Zisjordaniako Hamaseko agintarietako batek Turkiatik, erbestetik onartu ditu Israelgo Gobernuak azken asteetan taldeari egotzitako delituak.
"Espekulazio handia egon da auzi honen inguruan; batzuek konspirazioa zela ere esaten zuten", adierazi zu Al Arurik, eta Ezzedin al Qassam Hamasen beso armatuak Hebronen "hiru kolono" bahitzean egindako "heroien operazioa" defendatu du. "Herriaren nahia bete zuten okupatutako lurretan", gehitu du.
Hamasek ez du modu ofizialean Israelgo Gobernuaren akusazioa baieztatu, ezta ukatu ere. 16 eta 19 urte arteko hiru gazte israeldarrak ekainaren 12an bahitu zituzten, Zisjordaniako errepide batean autostop egiten ari zirela, eta ekainaren 30ean aurkitu zituzten haien gorpuak.
