Mundua -
IRAK
Hobi komun bat aurkitu dute Fallujan, 400 gorpurekin
Zibilak, militarrak eta poliziak dira hildakoak. 2014ko urtarriletik Estatu Islamikoaren esku egon da Falluja, eta joan den asteburuan lortu zuen Irakeko Gobernuak jihadistak handik kanporatzea.
AGENTZIAK | ERREDAKZIOA
400 gorpu baino gehiago aurkitu dituzte Fallujan (Irak), hobi berean lurperatuta. Bertako segurtasun indarrek aurkitu dute zuloa.
2014ko urtarriletik Estatu Islamikoaren esku egon da Falluja, eta joan den asteburuan lortu zuen Irakeko Gobernuak jihadistak handik kanporatzea eta hiriaren kontrola berriro hartzea.
Zibilak, militarrak eta poliziak dira hildakoak, segurtasun arduradunek jakitera eman duenez.
