Saudi Arabiako erregeak eta printzeak doluminak eman dizkiote Khashoggiren semeari

Saudi Arabiako Salman erregeak eta Mohamed Bin Salman printzeak doluminak eman zizkioten atzo, telefono dei baten bitartez, Jamal Khashoggi kazetariaren semeari, SPA albiste-agentziak zabaldutako informazioaren arabera. Saudi Arabiak Istanbulen duen kontsulatuan hil zuten Jamal Khashoggi.

Adel al Jubeir Saudi Arabiako Atzerri ministroak atzo Fox telebista-kateari eskaini zion elkarrizketan adierazi zuenez, Jamal Khashoggirekin gertaturikoa "akats izugarria izan da" eta "arduradunek ordaindu egingo dute". Dena den, ukatu egin du printzeak hilketarekin zerikusirik izatea eta horri buruzko informaziorik izatea. Al Jubeir Atzerri ministroak "larrigarritzat" jo du Gobernua jazotakoa estaltzen saiatu izana.

Aldi berean, Jamal Khashoggiren gorpuzkiak non dauden ez dakiela aitortu du Saudi Arabiak.

Nazioartean, Alemaniak Saudi Arabiari armak saltzeari utziko dio hilketaren nondik norakoak argitu bitartean.

Recep Tayyip Erdogan Turkiako presidenteak iragarri duenez, Turkiak hilketaren inguruko xehetasun gehiago emango ditu asteartean.