Mundua -
Koronabirusa
Europako zortzi estatuk txertaketa kanpainaren hasiera koordinatzea adostu dute
Frantziako eta Espainiako estatuek, Italiak, Alemaniak, Luxenburgok, Herbehereek eta Suitzak sinatutako adierazpen horretan, gainera, "informazioa azkar trukatzeko" konpromisoa hartu dute.
agentziak | erredakzioa
Espainiako eta Frantziako estatuek, Italiak, Alemaniak, Luxenburgok, Herbehereek eta Suitzak covid-19aren aurkako txertaketa kanpainaren hasiera koordinatzea adostu dute, Italiako Osasun Ministerioak gaur aurreratu duenez.
"Txertaketa kanpainaren hasiera koordinatzea eta, komunikazio argia bermatze aldera, eskumena duten agintarien artean informazioa berehala partekatzea" adostu dutela dio Italiako Gobernuaren agiriak.
Adierazpena bideokonferentziaz egindako bilera batean sinatu omen dute zortzi estatuetako osasun arduradunek.
Txertoen inguruko desinformazioaren aurka borroka egiteko, "komunikazio argia eta gardena" ziurtatzeko eta atzerriko langileen txertaketarako irizpide komunak ezartzeko konpromisoak ere jasotzen ditu adierazpenak.
