Mundua -
Gerra Ukrainan
Ukrainak jakinarazi du zibilen gorpuak dituen hobi komun bat aurkitu dutela Kiev kanpoaldean
Bestalde, agintari ukrainarrek adierazi dute gutxienez 360 direla Buchan hildako zibilak.
agentziak | eitb media
Ukrainako agintariek jakinarazi dute zibilen gorpuak dituen hobi komun bat aurkitu dutela Buzovan, Kiev kanpoaldean, tropa errusiarrak bertatik joan ostean.
Taras Didichek Ukrainako telebistan azaldu duenez, gasolindegi batetik gertu zulatutako hobi komun batean aurkitu dituzte gorpuak.
Gainera, Kiev eta Yitomir lotzen dituen errepidean beste hamar gorpu aurkitu dituzte tirokatutako autoetan.
Buchako hobi komunak aurkitu eta egun gutxira eman dute azken honen berri.
Hain zuzen ere, Liudmila Denisova Ukrainako Parlamentuko Giza Eskubideen arduradun eta Herritarren Defendatzaileak jakinarazi du gutxienez 360 direla Buchan hildako zibilak. Kievek eta aliatuek Errusiari egotzi diote sarraskiaren errua, baina Moskuk ukatu egin du.
