Mundua -
F16 hegazkinen erasoa
4 urteko haur palestinar bat hil dute Gazan, Israelen eraso batean
Joan den astelehenean erasoak berpiztu zirenetik, dagoeneko 12 palestinar hil dira Israelgo aireko armadaren erasoengatik, Hamaseko iturrien arabera.
Erredakzioa
4 urteko haur palestinar bat hil da Gazan eta beste sei lagun zauritu dira Israelgo aireko armadaren erasoengatik, Gazako iturrien arabera.
Israelgo F16 hegazkinek 10:30ean bonbardatu dute Abasan herria, Gaza hego-ekialdean. Motaz Al Shawaf 4 urteko mutikoa hil eta beste hiru lagun zauritu dira erasoan, horien artean, haurraren aita.
Herriaren kanpoaldeko futbol zelai batean gertatu da erasoa, aireko armadak misil bat bota duenean.
Bestalde, beste hiru zibil zauritu dira Egiptorekin muga egiten duen Rafah hirian, eta Gaza hiriburuan beste eraso bat egon da, nahiz eta azken honetan ez da biktimarik egon.
Israelgo Armadaren bulegoak, ordea, informazioa ukatu du eta Avital Leivowich bozeramaileak Twitter kontuan mezu hau idatzi du: "Berriz ere gezurrezko zurrumurruekin; gezurra da Israelgo armadak lau urteko haur bat hil duela".
Hamaseko iturrien arabera, joan den astelehenean erasoak berpiztu zirenetik 12 palestinar hil dira: zazpi matxino, hiru zibil, gaurko haurra eta bi urteko neskato bat, nahiz eta bi aldeek azken heriotza hori batak besteari egozten dioten.
4 urteko haur palestinar bat hil da Gazan eta beste sei lagun zauritu dira Israelgo aireko armadaren erasoengatik, Gazako iturrien arabera.Israelgo F16 hegazkinek 10:30ean bonbardatu dute Abasan herria, Gaza hego-ekialdean. Motaz Al Shawaf 4 urteko mutikoa hil eta beste hiru lagun zauritu dira erasoan, horien artean, haurraren aita.Herriaren kanpoaldeko futbol zelai batean gertatu da erasoa, aireko armadak misil bat bota duenean.Bestalde, beste hiru zibil zauritu dira Egiptorekin muga egiten duen Rafah hirian, eta Gaza hiriburuan beste eraso bat egon da, nahiz eta azken honetan ez da biktimarik egon.Israelgo Armadaren bulegoak, ordea, informazioa ukatu du eta Avital Leivowich bozeramaileak Twitter kontuan mezu hau idatzi du: "Berriz ere gezurrezko zurrumurruekin; gezurra da Israelgo armadak lau urteko haur bat hil duela".Hamaseko iturrien arabera, joan den astelehenean erasoak berpiztu zirenetik 12 palestinar hil dira: zazpi matxino, hiru zibil, gaurko haurra eta bi urteko neskato bat, nahiz eta bi aldeek azken heriotza hori batak besteari egozten dioten.