Politika -
Bilbon
ETAren inguruko dokumentu zaharrak eta jaurtigai bat aurkitu dituzte
Aurkitutako materiala zaharra da, 1975ekoa edota 1980koa izan daitekeela uste dute. Aurkikuntza Zabalbide kalean obretan dagoen gela batean izan da, Begoñan.
Erredakzioa
Ertzaintzak Bilboko etxebizitza batean izaera militarreko jaurtigai bat aurkitu du astearte honetan, baita ETAren inguruko dokumentu zaharrak ere, Segurtasun Sailetik jakitera eman dutenez.
Aurkikuntza 11:30ean izan da, Zabalbide kalean obretan dagoen gela batean, Begoñan (Bilbo).
Aurkitutako tresna jaurtigai militar bat da bere lehergailuarekin, Ertzaintzako lehergailu-teknikariek hondatu egingo dute. Tresnarekin batera, Ertzaintzak ETAren inguruko dokumentu zaharrak aurkitu ditu, eta Polizia-etxera eraman ditu, aztertzeko.
Terrorismoaren aurkako iturriek azaldu dutenez, dokumentuen artean Abertzale Sozialistak Koordinatzailearen (KAS) paperak zeuden. Aurkitutako materiala zaharra da, 1975ekoa edota 1980koa izan daitekeela uste dute.
Jaurtigaia. Argazkia: Segurtasun Saila
Ertzaintzak ikerketa bat martxan jarri du jaurtigaia noiz, nork eta zein helbururekin egin zen jakiteko asmoz.
