Politika -
Helegitea
Gipuzkoako Auzitegia bildu egin da Egunkariaz erabakia hartzeko
Erabakia dagoeneko hartu badute ere, egun batzuk barru emango dute ebazpenaren berri.
Erredakzioa
Gipuzkoako Auzitegia gaur bildu da Fiskaltzak Egunkaria auziaren auzi ekonomikoa artxibatzearen kontra jarritako helegiteaz erabakia hartzeko. Dagoeneko erabakia hartu badute ere, ebazpena egun batzuk barru jakinaraziko dute.
Ministerio Publikoak ekainean aurkeztu zuen helegitea, auzi ekonomikoa oraindik ez zela preskribitu argudiatuta.
Arrazoi teknikoetan eta formaletan oinarritu zen Fiskaltza helegitea aurkezteko, ez zen gaiaren sakonean sartzen. Izan ere, Donostiako Auzitegiak auzia artxibatu zuenean ere ez zuen sakoneko argudiorik erabili, preskribatu zelako hartu zuen erabakia.
Atzo, itxitako egunkariko langileek eta herritar talde batek kontzentrazioa egin zuten Donostiako Justizia Jauregiaren parean auzia behin betiko itxi dezatela exijitzeko.
