Politika -

Legebiltzarreko batzordea

EAJ eta PSEren ustez, ezingo da errekurritu polizia-biktimen legea

EAJ eta PSE-EEren botoek legea onartzea ahalbidetuko dute; EH Bilduk ez du oraindik erabaki zer bozkatuko duen, eta PPk kontrako botoa emango du.

Eusko Legebiltzarraren batzorde-txostengilea. Argazkia: Eusko Legebiltzarra
Eusko Legebiltzarraren batzorde-txostengilea. Argazkia: Eusko Legebiltzarra
Eusko Legebiltzarraren batzorde-txostengilea. Argazkia: Eusko Legebiltzarra

Agentziak | Erredakzioa

Whatsapp Facebook Twitter Telegram Email

EAJren eta PSE-EEren aburuz, 1978tik 1999ra Poliziaren gehiegikeriek eragindako biktimak aitortzeko legea onartze aldera bi alderdien artean lortutako akordioaren aurrean Estatuak ezin izango du errekurtsorik jarri; aitzitik, PPK “ziurgabetasun juridikoa” ikusten du testuan.

EAJ eta PSE-EE talde parlamentarioek adostu duten hitzarmena atzo aurreratu zen eta gaur gauzatu da lege-proiektua eztabaidatu duen Legebiltzarreko batzorde-txostengilean. Batzorde horrek datorren asteazkenean berretsiko den txostena onartu du, eta, horrenbestez, legegintzaldiaren azken bilkuran, uztailaren 28an, aurrera aterako da.

EH Bilduk akordiotik kanpo geratu da, eta Julen Arzuaga bere bozeramaileak deitoratu egin du giza-eskubideen urraketen biktima izan diren horiei beste biktima batzuen pareko aitortza egiteko aukera galdu izana (terrorismoen biktimei erreferentzia eginez).

Carmelo Barrio PPko legebiltzarkideak ere argi utzi du ez datorrela testuarekin bat; izan ere, ez dago ados proiektuak jasotzen duen “motibazio politikoaren testuinguruarekin”, uste baitu horren ordez “giza eskubideen urraketak jorratzen dituen planteamendu orokorra” egon beharko litzatekeela.

Bestalde, ez da ezagutzen zein den UPyDren jarrera, duen legebiltzarkide bakarra, Gorka Maneiro, ez delako batzordera joan.

Uztaila bukaeran onartuko dute behin betiko testuak 1978tik eta 1999ra bitartean motibazio politikoko indarkeria jasan zuten biktimak erreparatu eta aitortzea du xede.

Euskal Autonomia Erkidegoan 1978 eta 1999 bitartean izandako legez kontrako errepresio-egoeretan giza-eskubideen urraketak jasan dituzten biktimei aitortza eta ordaina emateko legearekin jarraipena ematen zaio 2012ko dekretu bati, 1960tik 1978ra bitartean antzeko biktimei babesa ematen diena.

Eusko Jaurlaritzak landutako lege-proiektuak, zegoen horretan, Estatuak errekurritzeko arriskua zeukan, hark ohartarazi baitzuen zenbait arauk Konstituzioa urratzen zutela. Alabaina, EAJren eta PSE-EEren iritziz, arrisku hori ekidin egin dute testuari babes juridiko gehiago aitortuta.

Iñigo Iturratek (EAJ) Espainiako Gobernuari eskatu dio biktima horiek aitortzeko “borondaterik eta adorerik” izan ez badu, gutxienez ez dezala lege hori oztopatu, ez dagoelako horretarako “inongo arrazoi juridikorik”.

Ildo beretik, Patxi Elola sozialistaren aburuz, legea “argitu egin da” gatazkarik egon ez dadin. Dena den, Eusko Jaurlaritzari eskatu dio Gobernu zentralarekin hitz egin dela errekurtsorik egon ez dadin.

Hau zure interesekoa bada, baliteke beste gai hauek ere izatea
Politika albisteak EAJ-PNV UPyD EH Bildu Bizkaia PSE-EE albisteak Gaurko azken orduko albistea Polizia abusuen biktimak