Publizitatea
Itxi

2019/02/19

15:01

Politika

Lekuko gisa

Urkulluk hilaren 28an deklaratuko du Kataluniako prozesuaren aurkako epaiketan

Agentziak | Erredakzioa

Lehendakariak lekuko gisa deklaratu baino bi egun lehenago, otsailaren 26an, Mariano Rajoy Espainiako presidente ohiak, Artur Masek eta Roger Torrentek egingo dute.

  • Iñigo Urkullu

    Urkullu lehendakariak lekuko gisa deklaratu beharko du. Argazkia: Efe.

  • Whatsapp
  • Whatsapp
  • Telegram
  • Bidali

Auzitegi Gorenak otsailaren 28rako deitu du Iñigo Urkullu lehendakaria, Kataluniako prozesuaren aurkako epaiketan lekuko gisa deklara dezan. Mariano Rajoy Espainiako presidente ohiak bi egun lehenago egingo du, otsailaren 26an, Artur Mas Kataluniako presidente ohiarekin eta Roger Torret Kataluniako Parlamentuko presidentearekin batera.

Dei horren inguruan galdetuta, Josu Erkoreka Eusko Jaurlaritzaren bozeramaileak esan du lehendakaria “erabat” prest agertu dela Justiziari laguntzeko, eta litekeena dela egun horretan Urkulluk “lehentasuna ematea epailearen eskariari”, nahiz eta otsailaren 28an ohiko osoko bilkura dagoen deituta Eusko Legebiltzarrean.

Dena dela, Erkorekaren hitzetan, oraindik ez dute goizeko hamarretarako finkatutako hitzordu horren ohartarazpenik jaso. Eguneko lehenengo parte-hartzea izango da, eta Gabriel Rufian ERCko diputatuak hitz egingo du ondoren.

Bestalde, Rajoyk otsailaren 26ko arratsaldeko saioa irekiko du, 16:00etan, eta ordu erdiko tartea izango du soilik hurrengo lekukoaren txandaren aurretik, Manuel Marchena auzitegiko buruak ezarri duenaren arabera, horrek lekuko gisa parte hartuko duten politikarien deklarazioa aurreratzea erabaki baitu, Espainian apirilaren 28an egingo dituzten hauteskundeetatik urruntzeko.

Auzitegiak aste honetan bertan bukatu nahi ditu akusatuen galdeketak, datorren astean lekukoen txanda izan aurretik, eta, hori dela eta, baliteke ostiralean eta larunbatean ere saioak egitea.

  • Bisitatuena

      Kargatzen ikusiena
      Kargatzen ikusiena
    ;