Itxi

Politika

A28 HAUTESKUNDEAK

Geroa Bai, EH Bildu, Podemos eta Izquierda-Ezkerra elkarrekin joango dira Senatura

AGENTZIAK | ERREDAKZIOA

Apirilaren 28ko hauteskundeetan zerrenda bakarra osatuko dute alderdiok Nafarroan, eta Senaturako hautagaiekin eta 'Cambio-Aldaketa' izenarekin aurkeztuko dira.

  • Geroa Bai, EH Bildu, Podemos eta Izquierda-Ezkerra Senaturako zerrenda bateratua aurkezten

    Geroa Bai, EH Bildu, Podemos eta Izquierda-Ezkerra Senaturako zerrenda bateratua aurkezten.

Apirilaren 28ko Espainiako Hauteskunde Orokorretan zerrenda bakarra osatuko dute Nafarroan Geroa Baik, EH Bilduk, Podemosek eta Izquieda-Ezkerrak, eta Senaturako hautagaiekin eta 'Cambio-Aldaketa' izenarekin aurkeztuko dira.

Larunbat honetan aurkeztu dute hautagaitza lau alderdietako ordezkariek. Prentsaurrekoan izan dira Koldo Martinez Geroa Baiko parlamentaria, Itziar Gomez Iruñeko Udaleko EH Bilduko zinegotzia eta koalizio horretako Bakartxo Ruiz eta Miren Aranoa, Ainhoa Aznarez Nafarroako Parlamentuko presidentea eta Mikel Buil Podemoseko parlamentaria eta Iñaki Bernal Unidos Podemos koalizioko Izquierda-Ezkerrako senataria.

Manifestua irakurri dute "aurrerapauso bat" emateko borondatea agertuz. "Duela lau urte egin genuen bezala, erabaki eta indar berberarekin eta azken lau urte hauetan Nafarroa solidario, anitz eta irekia defendatzeko izan dugun sendotasun berberarekin".

Hautagaitza batu honen helburua "Nafarroa Senatua herritarren eskubideak ukatzeko erabiltzearen kontra dagoela adieraztea" da, eta era berean, "ezberdinen arteko elkarrizketa, akordio, aniztasun eta gatazka politikoak konpontzeko bide baketsu eta negoziatuen eredua aldarrikatzea".

UPN, PP, Ciudadanos eta Vox "iragan ilunera itzuli nahian" dabiltzala salatu dute. "Ukatu egiten dute sentsibilitate ezberdinak egon daitezkeela, eskumenak birzentralizatu nahi dituzte eta autogobernua zein Autonomien Estatua desegin".

Azkenik, alderdiok bultzatzen dituzten politikak babestea leporatu diote PSNri.

  • Bisitatuena

      Kargatzen ikusiena
      Kargatzen ikusiena