A10eko hauteskundeetako emaitzak: informazioa zuzenean eitb.eus atarian

eitb.eus atariak hauteskunde orokorretako informazioa kontsultatzeko aukera eskainiko du. Informazio guztia etengabe berrituko da azaroaren 10ean.

Euskal Irrati Telebistaren (EiTB) atari digitalak informazio osatua eskainiko du hauteskunde gauean. Kongresurako eta Senaturako emaitzak kontsultatu ahal izango dira. Gaueko bederatzietatik aurrera, emaitzak lurraldez lurralde ikusteko aukera izango dira.

Esteka honetan, Arabako hauteskunde orokorretako emaitzak ikusi ahalko dituzu. Bizkaiko hauteskunde orokorretako emaitzak, berriz, esteka horretan izango dituzu. Gipuzkoako hauteskunde orokorretako emaitzak ere izango dira ikusgai, esteka horren bidez. Nafarroako hauteskunde orokorretako emaitzak, berriz, esteka horretan izango dira eskuragai.

Horrez gain, eitb.eus atarian une oro izango da hauteskundeekin lotutako informazioa. Hauteskunde gauean gertatzen den guztia argazki, bideo, testu eta audio bidez jasoko da.

Zuzeneko jarraipena ere eskainiko da. ETB1eko eta ETB2ko emisioak streaming bidez jarraitu ahal izango dira. EiTB Taldeko irratiak (Euskadi Irratia, Radio Euskadi eta Radio Vitoria) ere, zuzenean jarraitu ahal izango dira.