'Sakabanaketak utzitako 16 hildakoen aitortza' aldarrikatu du Etxeratek

Presoei aplikatzen zaien "sakabanaketaren biktimak aitortzeko" beharra defendatu du Etxerat presoen senideen elkarteak, neurriarekin amaitzeko helburuarekin.

Sakabanaketaren biktimak aitortzeko ekitaldia egin du Etxeratek Gernikan (Bizkaia). "Konponbidean eta elkarbizitzan aurrera egiteko, sakabanaketak eragindako 16 hildakoen memoria eta aitortza" aldarrikatu dute ekitaldian.

"Salbuespeneko espetxe politika senideak zigortzen ditu, eta jasangaitza da jadanik. Egun mantentzen dute eta, ondorioz, bukatzea premiazkoa da", salatu du elkarteak.