Politika -

Koronabirusa

Euskal alderdiak, kritiko deseskalatze planarekin

EAJk Sanchezi aurpegiratu dio presidente autonomikoek "funtzio bat ere" ez hartzea, eta EH Bilduren ustez, "zuhurtzia nahikoa erakutsi du faserik zailena datorrena ulertarazteko".

0 fasetik aurrera, etxekoak elkarrekin atera ahalko dira paseoan. Argazkia: Efe.
Bi pertsona, kalean paseoan
0 fasetik aurrera, etxekoak elkarrekin atera ahalko dira paseoan. Argazkia: Efe.

Agentziak | Erredakzioa

Whatsapp Facebook Twitter Telegram Email

Pedro Sanchez Espainiako presidenteak alarma egoeratik "normaltasun berria" deritzon aldirako deseskalatzea maiatzaren 4an hasiko dela iragarri du, baita lurraldeen arabera modu asimetrikoan gauzatuko dela (probintzia izango da erreferentzia) eta ekainaren amaierara arte hamabost eguneko lau fasetan egingo dela ere.

Erabaki horren aurrean, EAJk Sanchezi aurpegiratu dio autonomia erkidegoetako agintariek ez dutela neurriak lasaitzeko planean "funtzio bat ere" beteko, eta "akatsa" iritzi dio "tokian tokiko administrazioei ez uzteari egoera lurralde bakoitzaren ezaugarriei egokitzen".

"Zuhurtzia"

Arnaldo Otegi EH Bilduko buruaren ustez, Sanchezek "zuhurtzia nahikoa erakutsi du jendeak uler dezan, Munduko Osasun Erakundeak esaten duen bezala, faserik zailena datorrela" koronabirusaren pandemian.

"Inprobisazioa-inposizioa"

Amaya Fernandez EAEko PPren behin-behineko presidentearen esanetan, Pedro Sanchez Espainiako presidentearen deseskalatze planaren ezaugarria "inprobisazio-inposizio binomioa" da, "ohi bezala".

Fernandezen aburuz, "ez ikusiarena egin diete autonomia erkidegoei, oposizioari, Kongresuari eta kaltedun kolektiboei".

"Zentzu komuna"

Elkarrekin-Podemosen izenean, Miren Gorrotxategik adierazi du "zentzu komun eta juridiko osoa" duela Espainiako Gobernuak "aginte bakarra" izatea pandemiaren aurrean ezarritako alarma egoeran.

Horren ildotik, gogora ekarri du deseskalatze plana asimetrikoa izango dela eta horregatik ezarri dituztela faseak eta banatu dutela probintziaka "autonomia erkidegoei entzunda".

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta/edo garraio publikoa erabiltzen baduzu. Dena dela, horien erabilera ez da derrigorrezkoa.

Hau zure interesekoa bada, baliteke beste gai hauek ere izatea
Politika EAJ-PNV EAE albisteak Espainiako Gobernua albisteak Espainia Alderdi politikoak albisteak EH Bildu Bizkaia PP Bizkaia Eguneko albisteak Albisteak Podemos Ahal Dugu Euskadi Koronabirusa Zer egin daiteke Euskadin? Konfinamenduaren deseskalatzea