Politika -
Koronabirusa
EAJk ituna egin du Espainiako Gobernuarekin normaltasun berriaren dekretua babesteko
Alarma-egoeraren osteko arauak bilduko dituzten dekretu horretan. Itunari esker euskal autogobernua babestutako egongo dela adierazi du EAJk.
AGENTZIAK | ERREDAKZIOA
EAJk ituna egin du Espainiako Gobernuarekin eta "normaltasun berriaren" dekretua babestuko duela iragarri du. Alarma-egoera indargabetu osteko aroaren baldintzak bilduko dituen araudia astearte honetan onartuko du Pedro Sanchezen Exekutiboak eta ondoren proposamena Kongresuan bozkatu beharko dute.
EAJk azpimarratu du akordio horri esker "euskal autogobernua babestuta" egongo dela eta ez dela "zentralizaziorik edo eskumen urraketarik" izango.
"Beste osasun larrialdi bat egongo balitz, euskal autogobernuarekin eta gainerako erkidegoetako eskumenekin elkarlana errespetuzkoa izateko ildoak adostu ditugu", azaldu dute.
Jeltzaleek ez dituzte itunaren xehetasunak jakinarazi, baina pozik agertu dira osasun krisi honetan "arduraz eta koherentziaz" jokatu dutela eta gaur iragarritako akordioa horren adierazgarri dela iritzita.
