Itxi

2021/11/22

15:07

Politika

Presoak

Etxeratek eta Sarek baldintzapeko askatasuna eskatu dute Gregorio Vicariorentzat, bihotzeko arazoengatik

Agentziak | Eitb Media

Vicariori hirugarren gradua emateko eskatu dute; izan ere, duela gutxi premiazko ebakuntza bat egin diote Leongo ospitalean, "lau bypass" jartzeko, "bizitza arrisku larrian zuelako".

  • Patrizia Velez (Etxerat) eta Joseba Azkarraga (Sare), gaur.

    Patrizia Velez (Etxerat) eta Joseba Azkarraga (Sare), gaur. Sare-Etxeratek utzitako argazkia.

  • Whatsapp
  • Whatsapp
  • Telegram
  • Bidali

Sare ETAko presoen aldeko elkarteak eta Etxerat senitartekoen kolektiboak Gregorio Vicario presoa hirugarren gradura igarotzea eskatu dute, hortik baldintzapeko askatasunera igarotzeko, Leongo Ospitalean premiazko ebakuntza bat egin baitiote, bihotzeko arazoak dituelako.

Burgosko espetxetik Leongo Ospitalera eraman dute eta "lau bypass" jarri dizkiote, Etxeratek eta Sarek adierazi dutenez.

Bi elkarteek azaldu dutenez, Gregorio Vicario-ri iskemia larria diagnostikatu zioten urrian, "oso hedatua", eta, ondorioz, kateterismoa egin eta estent bat jarri zioten. Sare eta Etxeraten ustez, kartzela "ez da leku egokia horrelako gaixotasunak tratatzeko", eta espetxeetako araudiak pertsona horiek espetxetik kanpo tratatzeko aukera ematen duela azpimarratu dute, "ETAko presoen kasuan, ordea, ez da egiten".

Espetxeetako arduradunei "asistentzia mediko ezarekin" amaitzeko eta "gaixotasunen atzemate atzeratuak zuzentzeko" baliabideak jartzeko eskatu diete: gainera, ETAko presoei "gradu progresioak blokeatzea" leporatu diete.

Sarek eta Etxeratek agiri batean azaldu dutenez, 1988tik erakunde armatuko sei preso hil dira kartzelan bihotz-hodietako arazoengatik.

Gregorio Vicario Setien (Durango, 1957) besteak beste 1996an Cosme Delclaux eta 1995ean Jose Maria Aldaya enpresaburuak bahitzeagatik dago preso. 

  • Bisitatuena

      Kargatzen ikusiena
      Kargatzen ikusiena
    ;