Itxi

Politika

Diputatuen Kongresua

PP espioitzaren atzean zegoela eta Rajoyk haren berri zuela ebatzi du Kitchen Batzordeak

Agentziak | EiTB Media

Aldeko 159 botorekin-PSOE, Unidas Podemos eta EH Bildu- kontrako 149 botorekin-PP, Vox eta Ciudadanos- eta 29 abstentzioarekin-ERC, EAJ eta Talde Mistoa- batzordeak txostena onartu du.

  • Kitchen operazioaren inguruko ikerketa batzorde parlamentarioa. Argazkia: EFE

    Kitchen operazioaren inguruko ikerketa batzorde parlamentarioa. Argazkia: EFE

Kitchen operazioaren inguruko ikerketa batzorde parlamentarioak ondorioztatu duenez, PPko zuzendaritzak Luis Barcenas alderdiko altxorzain ohia zelatatzeko agindua eman zuen, eta Maria Dolores de Cospedal Alderdi Popularreko idazkari nagusi ohia jakinaren gainean zegoen, are gehiago, Maria Rajoy Espainiako presidente ohia "informatzen" zuen.

Aldeko 159 botorekin-PSOE, Unidas Podemos eta EH Bildu- kontrako 149 botorekin-PP, Vox eta Ciudadanos- eta 29 abstentzioarekin-ERC, EAJ eta Talde Mistoa- batzordeak txostena onartu du. Ebazpenaren arabera, Barcenasen eskuetan "egon zitezkeen frogak suntsitzea edo ezkutatzea" nahi zuten operazioarekin, Justiziak "sekula ez erabiltzeko", iturri parlamentarioek azaldu dutenez.

"Alderdi Popularraren helburu esklusibo eta partikularra betetzeko ustez diru bereiziak eta Polizia modu irregularrean erabili zituzten", azpimarratu du agiriak. PSOEren proposamena onartu du batzordeak, sozialistek ondorioak bakarka aurkezteko erabakia hartu ondoren.

Azkenik, PSOEk testua aurrera ateratzea lortu du, baina aldaketa batzuk eta Podemos, ERC, Junts, EH Bildu eta CUPek modu bateratuan aurkeztatuko dokumentuaren bi gai sartzea onartu ondoren. Poliziei dominak emateko orduan eta diru bereizien kontrolean aldaketak nahi dituzte lau indar politikoek.

Onartutako dokumentua 2022an berretsi beharko du Diputatuen Kongresuak, ikasturte parlamentario berrian. Txostenaren arabera, PPren zuzendaritzak "Barne Ministerioko baliabideak alderdikeriaz eta legez kanpo erabiltzeko" agindua eman zuen, Alderdi Popularra "Gobernuan izan zen urteetako ustelkeria auziez eta finantziazio irregularraz" Barcenasen esku zeuden frogak aurkitzeko.

  • Bisitatuena

      Kargatzen ikusiena
      Kargatzen ikusiena