Itxi

Politika

Franksimoaren krimenak

Martxoaren 3ko Biktimen Elkarteak eta CEAQUAk Martin Villa zigortzeko borrokan jarraituko dute

O.P. | Eitb Media

Argentinako Ganbera Kriminal eta Korrekzional Federalaren ebazpenari helegitea jartzea aztertzen ari dira adierazi dute Villa "Espainian epaitzea lortzen ez den bitartean", Argentinako kereila bultzatzen jarraituko dutela.

  • Martxoaren 3ko manifestazioa. EITB media

    Martxoaren 3ko manifestazioa. EITB media

Martxoaren 3ko Biktimen Elkarteak eta Frankismoko krimenen aurkako kereila argentinarrari laguntzeko estatuko koordinakundeak (CEAQUA) ostiral honetan azpimarratu dutenez, nahiz eta bertan behera geratu den Rodolfo Martin Villa (87 urte) ministro ohiaren auzipetzea diktaduran zehar izandako giza hilketa eta torturagatik, oraindik ere inputatuta dago, besteak beste, Zaramaga auzoan martxoaren 3an izandako sarraskiagatik.

Aipatu elkarteek adierazi dutenez, Argentinako Ganbera Kriminal eta Korrekzional Federalak Villaren aurka emandako auzipetzea baliogabetzeko ebazpenari kasazio-errekurtsoa jar dakioke hamar eguneko epean, eta aurreratu dute talde juridikoa haren edukia aztertzen ari dela une honetan, baita errekurtso horren bideragarritasuna ere.

"Ebazpen hau gorabehera, Martin Villak kezkatuta egoteko arrazoi handiak ditu oraindik", ohartarazi dute. Gaineratu dutenez, helburua da "diktadura frankistan eta Trantsizioan gizateriaren aurkako delitu eta krimenen erantzuleei Espainiako Estatutik bermatzen zaien zigorgabetasunarekin amaitzea eta arduradun horiek Espainiako Justizia Auzitegietan epaitzea".

Horregatik guztiagatik, eta "epaiketa hori Espainian ematen ez den bitartean", Martxoak 3 elkarteak eta CEAQUA osatzen duten erakundeek berretsi dute Argentinako kereila bultzatzen jarraituko dutela, kereila horretan hasi eta lan eginez.

"Martin Villaren agintaldian hildako, zauritutako, torturatutako, espetxeratutako eta errepresaliatutako pertsona guztien oroimena ohoratzeko modurik onena da, kriminalak eta krimen frankistak zigorrik gabe ez geratzea helburu duena, eta aurkeztu beharreko Kasazio Errekurtsoak aurrera egingo duen eta Ganbera Kriminalaren Ebazpena ezeztatu ahal izango den itxaropenarekin", gaineratu du.

  • Bisitatuena

      Kargatzen ikusiena
      Kargatzen ikusiena