Politika -

Eusko Legebiltzarra

EAJ irabazle, EH Bilduren eta PSE-EEren gorakadarekin, Soziometroaren arabera

Eusko Legebiltzarrerako hauteskundeak orain egingo balira, EAJk irabaziko lituzke (31), aurrekoetako eserleku kopuru berarekin. EH Bilduk (22) eta PSE-EEk (12) gora egingo lukete, eta PPk (5) Elkarrekin Podemos (4) aurreratuko luke.

Soziometroa. Irudia: EITB Media
Soziometroa.
Soziometroa. Irudia: EITB Media

Mikel Dominguez | EITB Media

Whatsapp Facebook Twitter Telegram Email

Soziometroaren arabera, Eusko Alderdi Jeltzalea izango litzateke Eusko Legebiltzarrerako hauteskundeetako irabazlea, orain egingo balira, eta Euskal Herria Bilduk eta Alderdi Sozialistak aurrekoetan baino eserleku gehiago eskuratuko lituzkete.

EAJk emaitza berberak errepikatuko lituzke, 31 eserlekurekin. EH Bildu bigarren izango litzateke, 22 legebiltzarkiderekin (1 gehiago). PSE-EEk ere hobera egingo luke, 12 eserlekurekin (2 gehiago).

PPk 5 legebiltzarkide izango lituzke (PP+Cs koalizioak baino 1 gutxiago), eta bosgarren indarra izatetik laugarrena izatera igaroko litzateke. Elkarrekin Podemosek, ordea, 4 eskuratuko lituzke (2 gutxiago), kontrako bidea eginez.

Vox berdin geldituko litzateke, eserleku batekin.

Orian egingo balira EAEko hauteskundeak, betiere Soziometroaren arabera, EAJ hiru lurraldeetan izango litzateke garailea, baina Gipuzkoan EH Bildurekin berdinduta egongo litzateke eserleku kopuruan.

Hona hemen eserleku kopurua lurraldez lurralde:

- Araba: EAJ (9), EH Bildu (6), PSE-EE (5), PP (3), Elkarrekin Podemos (1) eta Vox (1).

- Bizkaia: EAJ (12), EH Bildu (6), PSE-EE (4), Elkarrekin Podemos (2) eta PP (1).

- Gipuzkoa: EAJ (10), EH Bildu (10), PSE-EE (3), Elkarrekin Podemos (1) eta PP (1).

 

Hau zure interesekoa bada, baliteke beste gai hauek ere izatea
Berriak Politika EAJ-PNV Gipuzkoa Zer gertatu da gaur Bizkaian? Albisteak Gipuzkoa Araba Eusko Legebiltzarra bideoak Euskal Autonomia Erkidegoa albisteak EAEko hauteskundeak EH Bildu PSE-EE Bizkaia PP Bizkaia Prentsa digitalaren azken orduko Gaurko azken orduko albistea Euskadiko Podemos-eko albisteak Vox Zeintzuk dira azken hauteskunde galdeketak?