Politika -
Espetxe politika
Iñaki Reta presoa Zaballako espetxera lekualdatu dute
2021ean Frantziak Espainiaren esku utzi ostean, Auzitegi Nazionalak sei urteko kartzela-zigorra ezarri zion ETAren azpiegitura taldeko kide izatea egotzita.
AGENTZIAK | EITB MEDIA
Iñaki Reta de los Frutos preso elorriarra Soto del Realeko (Madril) espetxetik Zaballako kartzelara lekualdatu dute, Etxeratek sare sozialen bidez jakinarazi duenez.
Reta 2015ean atxilotu zuten Frantzian, eta ezarri zioten zigorra bete ostean, 2021eko ekainean, Espainiaren esku utzi zuten.
Auzitegi Nazionalak sei urteko kartzela-zigorra ezarri zion, ETAren azpiegitura taldeko kide izatea egotzita. Soto del Realen egon da zigorra betetzen, Zaballara ekarri duten arte.