Politika -
Krisia Nafarroan
Roberto Jimenez: 'Ez dago atzera bueltarik'
Kargutik kendu duten Nafarroako presidenteordeak esan du oposizioan ikerketa batzorde bat sortuko dutela "Foru Gobernuko finantza egoera argitzeko".
Erredakzioa
Roberto Jimenez PSNko idazkari nagusiak esan du ez dagoela atzera bueltarik Nafarroako Gobernuaren hausturan, eta Yolanda Barcinari leporatu dio hori, presidenteorde postutik kendu duelako "Nafarroako kontuen errealitatea herritarrei jakinaraztea ekiditeko".
"Tamalez sozialistok ere ez gaude defizita zenbatera iristen den esateko baldintzatan", esan du Jimenezek Gobernuaren hausturatik bere lehenengo agerraldian, PSNren egoitzan.
Jimenezek esan duenez, oposiziotik proposatuko duten lehenengo gauza ikerketa batzorde sortzea bat izango da, "Foru erdidegoko finantza egoera argitzeko".
Bere kargugabetzearen ostean sortutako egoeraren inguruan, eta beste bi zinegotzi sozialistek kargua utzi ondoren, Roberto Jimenezek ez du esan etorkizunean zer egingo duten. Halaber, hauteskundeak aurreratzea presidentearen esku dagoela adierazi du, eta oraingoz ez dutela baloratu IU, NaBai eta Bildurekin Gobernuko osatzeko aukera, gaineratu du.
Jimenezek esan du Yolanda Barcinaren "umorea" ezagututaBarcina, UPN-PSN lankidetza-formularen alde
Yolanda Barcina Nafarroako presidenteak esan du UPN eta PSN Foru Gobernuko kideen arteko egoera "jasanezinak" arazoak eragin dituela herritarrenak ez konpontzeagatik. Hori dela eta, Barcinak Roberto Jimenez presidenteorde sozialista kargutik kendu behar izan du.
"UPN-PSN lankidetza-formularen alde egiten jarraitzen dut; izan ere, Ongizatearen mailak hobetzeko balio izan du", azaldu du Barcinak. Gainera, Parlamentua desegitea eta hauteskundeak egitea eragingo lukeen egoera batera iristea ekidin du.
