Basagoiti: 'Murrizketarik handienak nazionalismoak ekartzen ditu'

Antonio Basagoiti PPko lehendakarigaiak adierazi duenez, "murrizketarik handienak nazionalismoak ekartzen ditu, Konstituzioa eta Autonomia Estatutuak murriztu nahi dituelako". Halaber, Euskadin "aldaketa" gauzatzeko aukera "xahutu" izana leporatu dio Basagoitik Patxi Lopez lehendakariari.

Basagoiti Gasteizen izan da, PPk irekitako hauteskunde bulego berri baten inaugurazioan. PPko lehendakarigaiak azapimarratu duenez, "inkesten arabera, alderdi ez nazionalisten artean, lehenak gara, izan ere, EAJren eta Bilduren independentismoari alternatiba bakarra gara".

Gainera, Euskadin "aldaketa" gauzatzeko aukera "xahutu" izana leporatu dio Patxi Lopez lehendakariari. "Lopezi Euskadin aldaketa abiatzeko aukera nahita eman nion duela hiru urte baina xahutu egin du", deitoratu du.