12:53

Udal eta Foru Hauteskundeak

Ekitaldia Gasteizen

Urkullu: 'Konfrontazioa baino, EAJk elkarbizitza sustatu nahi du'

AGENTZIAK | ERREDAKZIOA

Lehendakariak esan duenez, Euskadiko autogobernua garatzea da EAJren helburua, "herriaren eta gizartearen hazkundea bezala ulertuta", euskal herritarren ongizatea hobetzeko asmoz.

0:06
  • Whatsapp
  • Whatsapp
  • telegram
  • Bidali

Iñigo Urkullu lehendakariak igande honetan esan duenez, EAJ erakundeetan dago eta egongo da "konfrontazioa baino, elkarbizitza sustatzeko asmoz", eta, hori dela eta, akordioak lotzeko "etengabe lanean" izango dela azpimarratu du.

Gasteizen izandako ekitaldi politikoan hitz egin du Urkulluk. Halaber, Andoni Ortuzar EAJren presidentea eta hauteskunde-zerrendako hautagai jeltzaleak ere bertan izan dira.

Halaber, lehendakariak esan duenez, Euskadiko autogobernua garatzea da EAJren helburua, "herriaren eta gizartearen hazkundea bezala ulertuta", euskal herritarren ongizatea hobetzeko asmoz. Urkulluren hitzetan, "akordioak sustatzea da eta jarraituko da izaten EAJren estrategia". "Hobeto datorkigu batuta egotea, eta horretaz ohartu gara", adierazi du.

"Gasteiz, Donostia eta Bilbo hiriburuen kohesioa batetik, eta Arabaren, Bizkaiaren eta Gipuzkoaren kohesioa bestetik, funtsezkoak dira", Urkulluren irudiko, "herri txiki batek batzea du beharrezko, hazi nahi badu?. Horren harian, lehendakariak ondorioztatu duenez, "partekatutako hazkundea sendoagoa da", eta hori dela eta Gasteizko hiri berdea, Bilboko urbanizazio-garapena eta Donostiako kultura-hiriburutza aipatu ditu, "herri-proiektuak baitira".

"Hauxe da partekatzen dugun egitasmoa: bizikidetza, kohesioa eta hazkundea", gaineratu du.

Ortuzar: 'Barne-batasuna kanpo-gaitasunaren motorra da'

Bestalde, Andoni Ortuzar EAJko presidenteak ere hitz egin du, eta Urkulluk esandakoaren bat egin du. "Barne-batasuna Euskadiren kanpo-gaitasunaren motorra da", azpimarratu du.

"EAJk ez du Bizkaia eta Gipuzkoa gabeko Araba ulertzen, ezta Donostia eta Bilbo gabeko Gasteiz ere", esan du, hori dela eta, Ortuzarrek ohartarazi duenez, "EAJk ez du borroka antzurik elikatuko".

"Demagogia, konfrontazioa edo biktimismoa erabilita, EAJk ez du hauteskunde-etekinik bilatuko, herri-proiektu global batek tokikoa eta globala batzen dituelako", adierazi du.

EAJk esan duenez, erakundeetatik "akordioa jorratuta" gobernatu behar da, bereziki "krisiaren irteera antzematen den" une hauetan. "Gure herrialdearentzat onena litzateke erakunde guztiek norabide berean lan egitea, eta hori EAJren lidergoak bakarrik berma dezake", gaineratu du.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena